12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Նավալնիի թիմը քաղաքական գործչի մահվան մասին լուրերի հաստատում չունի
Քաղաքականություն
16.02.2024 | 16:15
Ռուս ընդդիմադիր քաղաքական գործիչ Ալեքսեյ Նավալնիի թիմը քաղաքական գործչի մահվան մասին հաստատում չունի։ Այս մասին թիմը հայտարարություն է տարածել Telegram-ալիքում։
«Յամալ-Նենեց շրջանի դաշնային քրեակատարողական ծառայությունը լուրեր է տարածում թիվ 3 ուղղիչ գաղութում Ալեքսեյ Նավալնիի մահվան մասին: Մենք դեռ դրա հաստատումը չունենք: Ալեքսեյի փաստաբանն այժմ թռչում է Խարպ: Որևէ տեղեկություն ստանալուն պես մենք կհաղորդենք այդ մասին»,- ասված է Նավալնիի թիմի տարածած հայտարարության մեջ։
Հիշեցնենք՝ թունավորման հետևանքներից երկարատև բուժումից հետո 2021 թվականի հունվարի 17-ին Ալեքսեյ Նավալնին Գերմանիայից վերադարձավ Ռուսաստան։ Ընդդիմադիր գործչին բերման ենթարկեցին հենց Մոսկվայի օդանավակայանից։ Այդ ժամանակից Նավալնին բանտում է։ Նա մեղավոր է ճանաչվել երեք մեղադրանքով և դատապարտվել երկարաժամկետ ազատազրկման։
Ալեքսեյ Նավալնիի հիմնադրած քաղաքական կառույցները Ռուսաստանի իշխանությունների կողմից ճանաչվել են «ծայրահեղական կազմակերպություններ», իսկ Նավալնիի հարյուրավոր համախոհներ կա՛մ ենթարկվել են քրեական հետապնդման, կա՛մ ստիպված են եղել լքել Ռուսաստանը: Ընդդիմադիր գործչին առնչվող ևս մի քանի քրեական գործ դեռևս քննության փուլում է։
