22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
ԱՄՆ Ներկայացուցիչների պալատը մինչև փետրվարի վերջ լսումներ չի անցկացնելու․ Ուկրաինային օգնության հարցով օրինագծի քննարկումը հետաձգվում է
Քաղաքականություն
16.02.2024 | 16:55
ԱՄՆ Ներկայացուցիչների պալատը լսումներ չի նախատեսում մինչև փետրվարի 28-ը՝ համաձայն պալատի կայքում հրապարակված հանդիպումների ժամանակացույցի։ Այսպիսով, Սենատի կողմից ընդունված Ուկրաինային, Իսրայելին և Թայվանին օգնության մասին օրինագծի հնարավոր քննարկումը պալատում հետաձգվում է։
Ավելի վաղ Ներկայացուցիչների պալատի խոսնակ Մայք Ջոնսոնը բացառել էր օրինագծի անհապաղ քվեարկության բերելու հնարավորությունը՝ նշելով, որ կենտրոնացած է մարտի սկզբին կառավարության «շաթդաունի» վտանգը կանխելու ուղղությամբ, գրում է The Hill-ը։
Ջոնսոնի տարածած հայտարարության մեջ ընդգծվում է, որ «Սենատի արտաքին օգնության օրինագիծը ոչինչ չի ասում երկրի առջև ծառացած ամենահրատապ խնդրի մասին»։
«Սենատի կողմից սահմանային քաղաքականության մեջ որևէ փոփոխության բացակայության դեպքում Ներկայացուցիչների պալատը պետք է շարունակի գործել իր նախաձեռնությամբ այս կարևոր հարցերի շուրջ»,- ասել է նա։
Չորեքշաբթի մամուլի ասուլիսում խոսնակն ընդգծել է, որ Ներկայացուցիչների պալատը չի խոնարհվի Սենատի ճնշումների առաջ՝ օրինագիծն ընդունելու համար:
