24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Շոլցն ու Զելենսկին անվտանգության համաձայնագիր կստորագրեն
Քաղաքականություն
16.02.2024 | 11:16
Ուկրաինայի նախագահ Վլադիմիր Զելենսկին փետրվարի 16-ին, ինչպես նախապես ծրագրված էր, կժամանի Բեռլին, հինգշաբթի երեկոյան հայտնել է Գերմանիայի կառավարության ներկայացուցիչը։ Առավոտյան նա կհանդիպի Գերմանիայի կանցլեր Օլաֆ Շոլցի հետ։ Բեռլինում Գերմանիայի կաբինետի ղեկավարն ու Ուկրաինայի նախագահը «բանակցությունների շրջանակում անվտանգության պարտավորությունների wւ երկարաժամկետ աջակցության մասին երկկողմ համաձայնագիր» կստորագրեն, գրում է DW-ի ռուսական ծառայությունը։
Կեսօրից հետո նախատեսվում է Զելենսկիի հանդիպումը Գերմանիայի նախագահ Ֆրանկ-Վալտեր Շտայնմայերի հետ։
Փետրվարի 17-ին Վլադիմիր Զելենսկին ելույթ կունենա Մյունխենի անվտանգության համաժողովում, ինչպես նաև կանցկացնի մի շարք երկկողմ հանդիպումներ։
Ավելի վաղ՝ հունվարի 12-ին, Ուկրաինայի նախագահ Վլադիմիր Զելենսկին և Մեծ Բրիտանիայի վարչապետ Ռիշի Սունակը ստորագրել էին անվտանգության երաշխիքների մասին համաձայնագիրը, որն ուժի մեջ կլինի մինչև ՆԱՏՕ-ին Ուկրաինայի միանալը։ Մեծ Բրիտանիան դարձել է առաջին երկիրը, որը պայմանագիր է ստորագրել Ուկրաինայի հետ, որը նախատեսում է արագ և շարունակական աջակցություն նոր հարձակման դեպքում:
Հունվարի 17-ին Ֆրանսիայի նախագահ Էմանուել Մակրոնը հայտարարել էր, որ Ֆրանսիան ևս երկկողմ համաձայնագիր է ստորագրելու Ուկրաինայի հետ անվտանգության երաշխիքների մասին։ Մակրոնը հայտարարել է նաև Կիևին զենքի նոր մատակարարումների մասին։
Եվրոպական երկրները մեծացնում են օգնությունը Կիևին ԱՄՆ-ի ներքաղաքական ճգնաժամի ֆոնին, որտեղ Կոնգրեսի հանրապետականները շարունակում են արգելափակել Ուկրաինային աջակցելու համար նոր միջոցների հատկացումը:
