23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Պեսկովը հերքել է Կիևի հետ հակամարտությունը սառեցնելու՝ Պուտինի պատրաստակամության մասին լուրերը
Քաղաքականություն
14.02.2024 | 21:31
ՌԴ նախագահի մամուլի խոսնակ Դմիտրի Պեսկովը հերքում է, որ Վլադիմիր Պուտինն առաջարկ է արել սառեցնել Ուկրաինայում հակամարտությունը։ Ավելի վաղ Reuters-ը հայտնել էր, որ Ռուսաստանն ԱՄՆ-ին առաջարկել է Ուկրաինայում հրադադար հաստատել, սակայն ԱՄՆ-ը մերժել է այդ առաջարկը։
«Ոչ, դա ճիշտ չէ»,- Կոմերսանտի փոխանցմամբ՝ ասել է Կրեմլի ներկայացուցիչը։
Reuters-ի հաղորդմամբ՝ Պուտինն առաջարկել է սառեցնել հակամարտությունը ներկայիս շփման գծում և չի ցանկացել զիջել Ռուսաստանի կողմից գրավված որևէ տարածք։ Ռուսական անանուն աղբյուրը գործակալությանը հայտնել է, որ «ամերիկացիների հետ ոչինչ չի ստացվել», քանի որ Վաշինգտոնը չի ցանկանում ճնշում գործադրել Կիևի վրա:
Պետքարտուղարությունը հայտարարել է, որ ԱՄՆ-ը չի բանակցել Ռուսաստանի հետ Ուկրաինայում հրադադարի շուրջ:
