Հասարակություն
13.02.2024 | 18:53
Հայաստանի Հանրապետության գլխավոր դատախազությունն ընդգրկվել է Շրջակա միջավայրի գործերով դատախազների եվրոպական ցանցում (ENPE)՝ որպես դիտորդ․ տեղեկացնում են ՀՀ գլխավոր դատախազությունից։
Շրջակա միջավայրի գործերով դատախազների եվրոպական ցանցը Բրյուսելում հիմնադրված միջազգային ասոցիացիա է, որի նպատակն է կատարելագործել շրջակա միջավայրի դեմ ուղղված հանցագործությունների քննությունը՝ լավագույն փորձի փոխանակման, վերապատրաստումների և համաժողովների միջոցով:
Շրջակա միջավայրի գործերով դատախազների եվրոպական ցանցն ունի 60 անդամ (լիիրավ անդամներ՝ Միացյալ Թագավորություն, Ֆրանսիա, Իռլանդիա, Շվեդիա, Նիդերլանդներ, Նորվեգիա, Իսպանիա, Դանիա, Ավստրիա, Շվեյցարիա և այլն, աջակից անդամներ և դիտորդներ):
Տարածաշրջանում Հայաստանը միակն է, որ ընդգրկվել է Շրջակա միջավայրի գործերով դատախազների եվրոպական ցանցում՝ որպես դիտորդ:
