12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ԵԽ գլխավոր քարտուղարը Բաքվին ու Երևանին կոչ է արել ձեռնպահ մնալ ուժի կիրառումից
Քաղաքականություն
13.02.2024 | 16:15
Եվրոպայի խորհրդի գլխավոր քարտուղար Մարիա Պեյչինովիչ Բուրիչը մտահոգություն է հայտնել ՀՀ-Ադրբեջան սահմանին փոխհրաձգության հետ կապված և կողմերին կոչ է արել ձեռնպահ մնալ ուժի կիրառումից։ Այս մասին եվրոպացի պատգամավորը գրել է X-ի իր միկրոբլոգում։
«Մտահոգված ենք հայ-ադրբեջանական սահմանին փոխհրաձգությունների մասին հաղորդագրություններով։ Կոչ ենք անում երկու կողմերին ձեռնպահ մնալ ուժի կիրառումից։ Երկխոսությունը հարատև խաղաղության միակ ճանապարհն է»,- գրել է Բուրիչը։
Concerned about reports of exchange of fire along the Armenia-Azerbaijan border. Call on both sides to abstain from the use of force. Dialogue is the only way to lasting peace @coe @CoESpokesperson
— Marija Pejčinović Burić (@MarijaPBuric) February 13, 2024
Հիշեցնենք՝ ՀՀ ՊՆ-ն ավելի վաղ հայտնել էր, որ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ:
ՊՆ-ի տեղեկատվության համաձայն՝ Ադրբեջանի ագրեսիայի հետևանքով հայկական կողմն ունի 4 զոհ և 1 վիրավոր։ Ավելի ուշ Բաքուն պաշտոնապես ընդունել է, որ Հայաստանի ինքնիշխան տարածքի՝ Սյունիքի մարզի Ներքին Հանդի հատվածում հայկական դիրքերի ուղղությամբ հերթական ագրեսիան է իրականացրել։
