24.02.2026 | 19:45
«Իմ կյանքը լուրջ վտանգի տակ է «Վանաձոր»-ի բերդում»․ կալանավորը սպառնալիքներ է ստանում. ՏԵՍԱՆՅՈՒԹ
Պետդուման կդադարեցնի ԵԱՀԿ ԽՎ աշխատանքներին մասնակցությունը
Քաղաքականություն
13.02.2024 | 16:14
ՌԴ Պետդուման նախատեսում է դադարեցնել մասնակցությունը Եվրոպայի անվտանգության և համագործակցության կազմակերպության Խորհրդարանական վեհաժողովի (ԵԱՀԿ ԽՎ) աշխատանքներին։ Պատգամավորներն իրենց դիրքորոշումը հայտնել են Դումայի լիագումար նիստում:
Սենատորները նույնպես կմիանան Դումայի իրենց գործընկերներին, այս թեմայով երկու պալատների բանաձևերը միաժամանակ կընդունվեն փետրվարի 21-ին, գրում է RG-ն:
«Ժամանակն է, որ մենք ցտեսություն ասենք ԵԱՀԿ ԽՎ-ին»,- շեշտել է Պետդումայի խոսնակ Վյաչեսլավ Վոլոդինը:
Նա հայտարարել է, թե այս կազմակերպությունը վաղուց «պարում է Վաշինգտոնի մեղեդու տակ», ուստի պարադոքս է, որ Ռուսաստանը խոշորագույն վճարողներից մեկն է:
«Մենք պետք է դուրս գանք, դադարեցնենք միջոցների փոխանցումը, որովհետև մենք այնտեղ անելիք չունենք»,- ասել է ռուսաստանցի քաղաքական գործիչը։
Միաժամանակ, Պետդումայի միջազգային հարցերով հանձնաժողովի ղեկավար Լեոնիդ Սլուցկին պարզաբանել է, որ Ռուսաստանը դուրս չի գալիս ԵԱՀԿ-ից։ Խոսքը ԽՎ աշխատանքներին մասնակցելու մասին է։
