15.09.2026 | 18:03
«Քրոջս հաշվին եք ուզում «հողեր հետ բերել», որը զոհվել է 2022-ին՝ ծառայության ընթացքում»․ Ալխաս Ղազարյան․ ՏԵՍԱՆՅՈՒԹ
Բայդենը խոսել է Գազայում վեց շաբաթով մարտերը դադարեցնելու ծրագրի նախապատրաստման մասին
Քաղաքականություն
13.02.2024 | 14:15
Միացյալ Նահանգները գործընկերների հետ աշխատում է Իսրայելի և պաղեստինյան ՀԱՄԱՍ շարժման միջև գործարքի շուրջ, որը կներառի Գազայի հատվածում մարտերի վեցշաբաթյա դադար: Այս մասին ԱՄՆ նախագահ Ջո Բայդենը հայտարարել է Հորդանանի թագավոր Աբդալլահ 2-րդի հետ համատեղ մամուլի ասուլիսում։
«ԱՄՆ-ն աշխատում է Իսրայելի և ՀԱՄԱՍ-ի միջև պատանդների հարցով գործարքի վրա, որը կներառի առնվազն վեց շաբաթով դադար: Մենք կարող ենք օգտագործել այս ժամանակը՝ ավելի երկար ինչ-որ բան մշակելու համար»,- ասել է Բայդենը մամուլի ասուլիսի ժամանակ:
Ջո Բայդենը ևս մեկ անգամ ընդգծել է, որ Իսրայելը չպետք է ռազմական գործողություններ իրականացնի Գազայի հատվածի հարավում գտնվող Ռաֆահ քաղաքում՝ առանց այնտեղ ապրող պաղեստինցի խաղաղ բնակիչների անվտանգությունն ապահովելու ծրագրի։ Նույն կարծիքը նա հայտնել էր նախօրեին՝ փետրվարի 12-ին, Իսրայելի վարչապետ Բենիամին Նեթանյահուի հետ հեռախոսազրույցի ժամանակ։
«Ռաֆահում խոշոր ռազմական գործողությունը չպետք է իրականացվի առանց վստահելի ծրագրի՝ այնտեղ ապաստանած ավելի քան մեկ միլիոն մարդկանց անվտանգությունն ու աջակցությունն ապահովելու համար»,- ասել է նա:
Ջո Բայդենն ընդգծել է, որ պաղեստինցի ժողովուրդը, ինչպես իսրայելցիները, կրել է «անպատկերացնելի ցավ և կորուստ» 2023 թվականի հոկտեմբերից ի վեր։
