Զուրաբիշվիլին շնորհավորել է Ալիևին նախագահի պաշտոնում ընտրվելու կապակցությամբ․ Վրաստանի նախագահի աշխատակազմ
Քաղաքականություն
12.02.2024 | 18:32![](https://factor.am/wp-content/uploads/2023/05/Զուրաբիշվիլի.jpg)
Վրաստանի նախագահի աշխատակազմից հայտնել են, որ Սալոմե Զուրաբիշվիլին պաշտոնական նամակով շնորհավորել է իր ադրբեջանցի գործընկերոջը՝ նախագահական ընտրություններում տարած հաղթանակի կապակցությամբ, գրում է Գրուզիա օնլայն։
Վարչակազմի տվյալներով՝ Սալոմե Զուրաբիշվիլիի՝ Իլհամ Ալիևին ուղղված նամակը թվագրված է փետրվարի 9-ով։
«Վրաստանի նախագահը պաշտոնական նամակով շնորհավորել է Ադրբեջանի նախագահին պաշտոնում ընտրվելու կապակցությամբ, ինչպես նաև բարեկամ և գործընկեր երկրների բոլոր նախագահներին»,- ասված է նախագահի մամուլի ծառայության տարածած հաղորդագրության մեջ։
Ադրբեջանում նախագահական ընտրություններն անցկացվել են փետրվարի 7-ին։
Ավելի վաղ Վրաստանի փոխվարչապետ, մշակույթի և սպորտի նախարար Թեա Ծուլուկիանին հայտարարել էր, թե նախագահ Սալոմե Զուրաբիշվիլին վնասում է երկրին՝ ձեռնպահ մնալով Իլհամ Ալիևին Ադրբեջանի նախագահական ընտրություններում հաղթելու կապակցությամբ շնորհավորելուց։
Զուրաբիշվիլիին քննադատել էր նաև Վրաստանի փոխվարչապետ, պաշտպանության նախարար Իրակլի Չիկովանին։