15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Իսրայելի բանակը հայտնել է Ռաֆայում երկու պատանդների ազատ արձակման մասին
Քաղաքականություն
12.02.2024 | 12:24
Գազայի հատվածի հարավում գտնվող Ռաֆահ քաղաքից երկու իսրայելացի պատանդ է ազատ արձակվել։ Այս մասին հայտնել է Իսրայելի բանակի (IDF) մամուլի ծառայությունը, գրում է DW-ն։
«ՀԱՄԱՍ ահաբեկչական կազմակերպության կողմից առևանգված երկու իսրայելցի պատանդներ՝ Ֆերնանդո Սիմոն Մարմանը (60 տարեկան) և Լուիս Հարը (70 տարեկան), գիշերվա ընթացքում ազատ են արձակվել»,- ասվում է հաղորդագրության մեջ։
Նշվում է, որ տղամարդիկ իրենց լավ են զգում, հոսպիտալացվել են բուժզննման համար։
Փետրվարի 12-ի գիշերը իսրայելական ուժերը մի շարք հարձակումներ են իրականացրել Ռաֆահի վրա, մասնավորապես, Շիբաուրի շրջանում։ Al-Mayadeen հեռուստաալիքը, վկայակոչելով իր աղբյուրներին, հաղորդում է, որ ռմբակոծության հետևանքով մոտ հարյուր մարդ է զոհվել, տասնյակ մարդիկ վիրավորվել են։ Հեռուստաալիքի թղթակիցը նշել է, որ Իսրայելի պաշտպանության բանակն առնվազն 50 հարված է հասցրել քաղաքին։
Haaretz-ի հաշվարկներով՝ 136 մարդ է մնացել Գազայի հատվածում, որոնք պատանդ են վերցվել ՀԱՄԱՍ-ի զինյալների կողմից Իսրայելի վրա հարձակման ժամանակ։ 2023 թվականի նոյեմբերին Իսրայելի բանտերում պահվող պաղեստինցի բանտարկյալների դիմաց ազատ է արձակվել 121 պատանդ։
