Քաղաքականություն
11.02.2024 | 16:01Երբ ԱՄՆ օրենսդիրները քննարկում են Ուկրաինային նոր օգնություն տրամադրելու հարցը Ռուսաստանի ներխուժման երկրորդ տարելիցին ընդառաջ, ԱՄՆ նախկին նախագահ, Հանրապետականների ֆավորիտ թեկնածու Դոնալդ Թրամփը բազմիցս ասել է, որ անարդարացի է ԱՄՆ-ին պարտավորեցնել պաշտպանել ՆԱՏՕ-ի 30 անդամ այլ երկրներին: Նա դա բացատրել է նրանով, որ այդ երկրները չեն կատարում Դաշինքի հանդեպ իրենց ֆինանսական պարտավորությունները․ փոխանցում է France24-ը։
Շաբաթ օրը, ելույթ ունենալով Հարավային Կարոլինայում կայացած քարոզարշավի ժամանակ, Թրամփը նկարագրել է մի զրույց գործընկեր պետության ղեկավարի հետ ՆԱՏՕ-ի չճշտված հանդիպման ժամանակ:
«Մեծ երկրի նախագահներից մեկը ոտքի կանգնեց ու ասաց՝ դե, պարոն, եթե չվճարենք, իսկ մեզ վրա Ռուսաստանը հարձակվի, մեզ կպաշտպանե՞ք։ Ասացի՝ չվճարեցի՞ր, օրինախա՞խտ ես։ Ես ձեզ չեմ պաշտպանի։ Իրականում ես նրանց (Ռուստաստանին-խմբ․) կխրախուսեի անել այն, ինչ ուզում են: Դուք պետք է վճարեք»,- պատմել է ԱՄՆ նախկին նախագահը:
Ըստ Թրամփի՝ ՆԱՏՕ-ն փլուզվում էր մինչև իր նախագահ դառնալը․ «Ես եկա, ասացի՝ բոլորը պետք է կվճարեն»։
