05.08.2026 | 19:29
ԵԽԽՎ նախագահը շնորհավորել է Ռուբեն Ռուբինյանին ՀՀ ԱԺ նախագահի պաշտոնում ընտրվելու կապակցությամբ
Շարունակվում է ոստիկանների ատեստացիան․ փետրվարի 12-ից կմեկնարկի ատեստացիոն հերթական գործընթացը
Հասարակություն
09.02.2024 | 20:55
ՀՀ ներքին գործերի նախարարի փետրվարի 9-ի հրամանով՝ ՆԳՆ ոստիկանության ծառայողների զբաղեցրած պաշտոնին համապատասխանությունը ստուգելու և հավելավճար հաշվարկելու նպատակով փետրվարի 12-ից կմեկնարկի ատեստացիոն հերթական գործընթացը։ Այս մասին տեղեկացնում են ՆԳՆ-ից։
«ՆԳՆ ոստիկանության ծառայողները կարող են զեկուցագրեր ներկայացնել փետրվարի 12-ից մարտի 1-ը։
Հիշեցնենք, որ ատեստացիան բաղկացած է մի քանի փուլից. ընդհանուր թեստավորման փուլ, ստուգարք՝ ֆիզիկական և կրակային պատրաստականությունից, վերջում՝ մասնագիտական թեստավորում, իսկ գլխավոր ու բարձրագույն խմբերի դեպքում՝ նաև հարցազրույց հոգեբանի մասնակցությամբ։ Նշված ողջ գործընթացից հետո, ըստ արձանագրած ցուցանիշների, կբարձրանան ծառայողների սոցիալական երաշխիքները»,- ասված է հաղորդագրության մեջ։
