25.02.2026 | 11:03
Երևանում սպասվում է քամու ուժգնացում․ ջերմաստիճանը կնվազի 8-12 աստիճանով
Արցախում ռազմական գործողությունների և պայթյունի հետևանքով 1 բուժառու այրվածքաբանականում է, 7-ը՝ արտասահմանյան կլինիկաներում
09.02.2024 | 17:41
ԼՂ-ում ռազմական գործողությունների և պայթյունի հետևանքով Այրվածքաբանության ազգային կենտրոնում ստացիոնար բուժում է ստանում 1 քաղաքացի, որի վիճակը կայուն ծանր է։ Այս մասին Factor.am-ին հայտնեց ՀՀ առողջապահության նախարարության մամուլի քարտուղար Մարիամ Ծատրյանը։
«Արտասահման բուժման մեկնած 20 պացիենտներից 13-ը վերադարձել են։ Նրանց բուժման կրիտիկական փուլը անցել է»,- ասաց Մարիամ Ծատրյանը։
ԱՆ մամուլի քարտուղարը փոխանցում է, որ Լեռնային Ղարաբաղում բենզինի պահեստի աղետալի պայթյունից 4 ամիս անց 191 պացիենտի համար բուժման առաջին փուլն ավարտված է, մեկնարկել է երկրորդ` վերականգնողական փուլը:
Երևանյան բժշկական կենտրոններից դուրս գրված ու արտասահմանյան կլինիկաներից վերադարձած գրեթե բոլոր պացիենտները շարունակում են ամբուլատոր վերականգնողական բուժումը:
Անի Թամրազյան
