Ալիևի ներկայացուցիչը հայտարարել է, թե ՀՀ-ն շարունակում է «ոտնձգությունը Ադրբեջանի տարածքային ամբողջականության նկատմամբ»

Լուրեր

20.11.2026 | 11:08
Total Chess. Հայկ Մարտիրոսյանը հաղթել է Արջուն Էրիգաիսիին
20.11.2026 | 10:58
Թրամփը համաձայն է Ուկրաինայի վերաբերյալ որոշումներ չկայացնել՝ առանց Կիևի անմիջական մասնակցության
20.11.2026 | 10:50
Հայ ծանրոդների մրցելույթների ծամանակացույցը Դոհայի վարկանիշային մրցաշարում
20.11.2026 | 10:43
ՀՀ դեսպանը մասնակցել է Թրամփի Մար-ա-Լագո առանձնատանը կայացած միջոցառմանը․ շփումներ է ունեցել ԱՄՆ պաշտոնյաների հետ․ ԼՈՒՍԱՆԿԱՐՆԵՐ
20.11.2026 | 10:34
Երեխաների նկատմամբ բռնությունը, բուլինգը և կրթության հասանելիությունը շարունակում են խնդիր մնալ․ ՄԻՊ
20.11.2026 | 10:25
ՌԴ-ն զանգվածային հրթիռային հարված է հասցրել Ուկրաինային․ Կիևում երեք կամուրջ է վնասվել, զոհեր կան
20.11.2026 | 10:15
ՀՀ տարածքում ավտոճանապարհները հիմնականում անցանելի են
20.11.2026 | 10:10
Ռոբերտ Քոչարյանի և մյուսների գործով դատական նիստը՝ ՈՒՂԻՂ
20.11.2026 | 10:09
«Ականատես»-ը ներկայացնում է ԱԺ ընտրությունների դիտորդական առաքելության ամփոփիչ զեկույցը. ՈՒՂԻՂ
20.11.2026 | 10:00
ԱԺ-ն շարունակում է քննարկել 2027 թվականի բյուջեի նախագիծը. ՈՒՂԻՂ
20.11.2026 | 09:55
«Կամավորների կոալիցիան» խոստացել է շարունակել աջակցությունն Ուկրաինային ու ձմռանը էներգետիկ հրադադարի կոչ արել
20.11.2026 | 09:46
Երևանում հրդեհ է բռնկվել խմորեղենի արտադրամասում․ դեպքի վայր է մեկնել հրշեջների 4 մարտական հաշվարկ
20.11.2026 | 09:30
Ամփոփիչ մրցաշար. Առաջին ռակետը 100 տոկոսանոց արդյունքով է դուրս եկել կիսաեզրափակիչ. ՏԵՍԱՆՅՈՒԹ
19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
Բոլորը

Ադրբեջանի կողմից սպառնացող վտանգի մասին «ևս մեկ առասպել ստեղծելով՝ Հայաստանը շարունակում է դե ֆակտո ոտնձգություն կատարել մեր տարածքային ամբողջականության նկատմամբ»։ Նման հայտարարություն է արել Ադրբեջանի նախագահ Իլհամ Ալիևի հատուկ հանձնարարությունների գծով ներկայացուցիչ Էչլին Ամիրբեկովը «Ազատություն» ռադիոկայանին տված հարցազրույցում, գրում են ադրբեջանական լրատվամիջոցները։

«Հայաստանն ու Ադրբեջանն արդեն բավական հասուն են և կարողանում են լուծել իրենց միջև մնացած խնդիրները, և այդ ուղղությամբ աշխատանքն ընթանում է»,- ասել է Ամիրբեկովը՝ «կատարյալ անհեթեթություն» անվանելով ԵՄ դիվանագիտության ղեկավար Ժոզեպ Բորելի վերջին հայտարարությունը, որում նա մատնանշում էր Ադրբեջանի տարածքային հավակնությունները Հայաստանի նկատմամբ և կոչ էր անում Բաքվին վերադառնալ Երևանի հետ առարկայական բանակցությունների։

«Ադրբեջանին ուղղված մեղադրանքները Հայաստանի նկատմամբ, իբր, տարածքային պահանջների մասին ոչ այլ ինչ են, քան մեղքը հիվանդ գլխից առողջի վրա փոխելու անհաջող և անօգուտ փորձ։ Միայն տեսնեք Հայաստանի գործող Սահմանադրությունը և դրանում առկա հղումը այս երկրի Անկախության հռչակագրին, որն ամրագրում է կամայական և բացարձակապես ոչ լեգիտիմ որոշումը, այսպես կոչված, Հայկական ԽՍՀ վերամիավորումը Լեռնային Ղարաբաղին։ Կոնկրետ նման փաստերը շատ են, վերցրեք Հայաստանի խորհրդարանի կողմից ընդունված վերապահումները ԱՊՀ-ին Հայաստանի անդամակցության վավերացման գործընթացում՝ կասկածի տակ դնելով Ղարաբաղի պատկանելությունը Ադրբեջանին, կամ Հայաստանի կողմից Ադրբեջանի դեմ հարուցված բազմաթիվ դատական ​​գործերը։ 44-օրյա պատերազմի ավարտից հետո փաստաթղթեր, որոնցում առկա են բացահայտ տարածքային պահանջներ Ադրբեջանի դեմ, էլ չեմ խոսում Հայաստանի ԱԳՆ պաշտոնական կայքի մասին, որը մինչ օրս Ադրբեջանի Ղարաբաղի շրջանը ներկայացնում է որպես պատմական Հայաստանի մաս»,- հայտարարել է Ամիրբեկովը։

Նա հավելել է, թե Բաքուն բազմիցս հայկական կողմի ուշադրությանն է ներկայացրել «բոլոր վերոհիշյալ մտահոգությունները, բայց դեռևս կոնկրետ գործողություններ չեն ձեռնարվել դրանք վերացնելու ուղղությամբ»։

«Ադրբեջանի մոտալուտ սպառնալիքի մասին ծիծաղելի լուրերի կանխամտածված տարածումը, Ադրբեջանի նկատմամբ տարածքային հավակնությունների պահպանմանը զուգահեռ, ոչ միայն խաբեություն է, այլև ճանապարհ դեպի ոչ մի տեղ»,-ասել է Ալիևի ներկայացուցիչը։

Հիշեցնենք՝ Ադրբեջանի նախագահ Իլհամ Ալիևն ու պաշտոնական Բաքուն շարունակում են Հայաստանի նկատմամբ ռազմական ագրեսիա կիրառելու սպառնալիքների, անհիմն ու կեղծ տարածքային պահանջների ներկայացման քաղաքականությունը։

Էմմա Չոբանյան