28.04.2026 | 18:35
Ադրբեջանի հետ հարաբերությունների կարգավորում, բանակը` անվտանգության երաշխիք․ ինչ է առաջարկում ԲՀԿ-ն․ ՏԵՍԱՆՅՈՒԹ
Ադրբեջանը Թուրքիայից Akıncı նոր հարվածային ԱԹՍ-ներ է գնել
Քաղաքականություն
09.02.2024 | 16:53
Ադրբեջանը Թուրքիայից գնել է Akıncı նոր հարվածային անօդաչու թռչող սարքեր։ Ադրբեջանի նախագահականի հաղորդագրության համաձայն՝ նախագահ Իլհամ Ալիևը որդու՝ Հեյդար Ալիևի հետ այցելել է ռազմաօդային ուժերի ռազմական օբյեկտներ և հետևել այս անօդաչու թռչող սարքի թռիչքին։
Հավելենք, որ դեռևս 2023 թվականի հոկտեմբերին թուրքական ԱԹՍ-ներ արտադրող «Բայքար» ընկերության տեխնիկական գծով տնօրեն Սելջուկ Բայրաքթարը հայտարարել էր, որ Ադրբեջանը շուտով Թուրքիայից նոր անօդաչուներ է ստանալու։
«Ադրբեջանցի օդաչուները և տեխնիկները բավականին հաջող են ավարտել իրենց ուսուցումը: Այդ կապակցությամբ Akıncı ԱԹՍ-ներն Ադրբեջան կմատակարարվեն մոտ ապագայում»,- ասել էր Բայրաքթարը։
Bayraktar Akıncı անօդաչու թռչող սարքի առաջին մոդիֆիկացիան Թուրքիայի զինված ուժերին է հանձնվել 2021 թվականի օգոստոսին։
Էմմա Չոբանյան
