Քաղաքականություն
08.02.2024 | 20:25
Իսրայելի իշխանություններն ազատ են արձակել 71 պաղեստինցիների, որոնք ձերբակալվել էին Գազայի հատվածում գործողությունների ժամանակ։ Ազատ արձակվածների թվում են 19 կանայք, հաղորդում է տեղական WAFA գործակալությունը՝ վկայակոչելով անկլավի սահմանային վարչությունը:
Մարդիկ ազատ են արձակվել Քերեմ Շալոմ անցակետով, գրում է Կոմերսանտը։
Նախօրեին Reuters-ը հրապարակել էր Գազայի հատվածում հրադադարի իր ծրագրի նախագիծը։ Այն բաղկացած է երեք փուլից․ առաջինը՝ իսրայելցի պատանդների փոխանակումը պաղեստինցի գերիների հետ, երկրորդը՝ Գազայի հատվածի վերականգնումն ու իսրայելական զորքերի ամբողջական դուրսբերումը, երրորդը՝ մահացածների մարմինների փոխանակումը։
Ըստ պլանի՝ պայքարը պետք է դադարեցվի առնվազն 4,5 ամսով։
Այսօր առավոտյան պաղեստինյան ՀԱՄԱՍ շարժման պատվիրակությունը ժամանել է Կահիրե՝ Գազայի հատվածում հրադադարի համաձայնագրի շուրջ բանակցությունների հերթական փուլի համար։
