24.06.2026 | 15:44
Փաշինյանն ու Մոդին կարևորել են բարձր մակարդակի փոխայցելությունների կազմակերպումը
ՌԴ-ն Հայաստանին կոչ է արել ՀԱՊԿ-ին քննադատելու փոխարեն՝ քննարկել հրատապ հարցերը
Քաղաքականություն
08.02.2024 | 14:45
Ռուսաստանը Հայաստանին կոչ է անում հրապարակային հարձակումների և քննադատության փոխարեն՝ սկսել ՀԱՊԿ-ում իրերի վիճակի քննարկումը, ՌԻԱ Նովոստիին տված հարցազրույցում ասել է ՌԴ փոխարտգործնախարար Ալեքսանդր Պանկինը։
«Մենք բոլորս շահագրգռված ենք ՀԱՊԿ-ի գործունեության հետագա բարելավմամբ և որպես ռազմաքաղաքական միավորման արդյունավետությամբ, ինչին, իհարկե, կնպաստի Հայաստանի շուտափույթ վերադարձը բնականոն և կազմակերպության ներսում լիարժեք աշխատանքի: Ցավոք, մեր հայ դաշնակիցները մինչ այժմ իսկապես հեռու են մնացել դրանից»,- ասել է դիվանագետը:
«Կոչ ենք անում Երևանի մեր գործընկերներին, հրապարակային զգացմունքային հարձակումների և կազմակերպությանը քննադատելու փոխարեն, սկսել հրատապ հարցերի քննարկումը քաղաքական և փորձագիտական մակարդակներում»,- ընդգծել է Պանկինը:
Նա նշել է, որ Մոսկվան ելնում է նրանից, որ ՀԱՊԿ շրջանակում Հայաստանի հետ փոխադարձ հարգալից երկխոսության շարունակությունը համապատասխանում է անվտանգության ոլորտում Երևանի շահերին, ծառայում է եվրասիական տարածքում, այդ թվում՝ Հարավային Կովկասի տարածաշրջանում խաղաղության և կայունության պահպանմանը:
