07.10.2026 | 09:45
Արտարժույթների փոխարժեքները՝ հոկտեմբերի 7-ի դրությամբ
Ռուսաստանցի յոթերորդ միլիարդատերն է հրաժարվել ՌԴ քաղաքացիությունից
Քաղաքականություն
08.02.2024 | 16:23
Գործարար Վասիլի Անիսիմովը՝ Ալիշեր Ուսմանովի նախկին գործընկերը, դարձել է յոթերորդ միլիարդատերը, որը հրաժարվել է Ռուսաստանի քաղաքացիությունից «հատուկ գործողության» մեկնարկից հետո։ Անիսիմովը Խորվաթիայի քաղաքացի է, նա 11 մլն դոլար է ներդրել այս երկրի տնտեսության մեջ, գրում է Forbes-ը։
Պարբերականի տվյալներով՝ Ռուսաստանի քաղաքացիությունից հրաժարվելուց հետո Անիսիմովը Ռուսաստան է մուտք գործել բիզնես վիզայով։ Նա Forbes-ին ներկայացրել է փաստաթղթեր, որոնց համաձայն՝ Ռուսաստանի քաղաքացիությունից հրաժարվել է դեռևս 2022 թվականի սեպտեմբերին։
Շատ գործարարներ, այդ թվում՝ Forbes-ի ցուցակից միլիարդատերեր, պատերազմի սկսվելուց հետո հրաժարվել են Ռուսաստանի քաղաքացիությունից։
Նրանց թվում են նախկին բանկիր Օլեգ Տինկովը և Revolut վճարային ծառայության ստեղծող Նիկոլայ Ստորոնսկին, ինչպես նաև Troika Dialog-ի նախկին ղեկավար Ռուբեն Վարդանյանը, որը ղեկավարել է Լեռնային Ղարաբաղի կառավարությունը և այժմ ապօրինաբար գտնվում է Ադրբեջանում կալանքի տակ։
