01.05.2026 | 11:16
Հայտնի են այս տարվա «Ոսկե ծիրան»-ի անցկացման ժամկետները
Պուտինը զանգահարել և շնորհավորել է Ալիևին ընտրություններում հաղթանակի կապակցությամբ
Քաղաքականություն
08.02.2024 | 13:24
ՌԴ նախագահ Վլադիմիր Պուտինը զանգահարել է Ադրբեջանի նախագահ Իլհամ Ալիևին, շնորհավորել ընտրություններում հաղթանակի կապակցությամբ և հաջողություն մաղթել գործունեության մեջ՝ «հանուն Ադրբեջանի զարգացման և ժողովրդի բարգավաճման»։ Այս մասին հայտնում են ադրբեջանական լրատվամիջոցները՝ վկայակոչելով նախագահի մամուլի ծառայությանը։
Նշվում է, որ երկու երկրների ղեկավարները վստահություն են հայտնել, որ «դաշնակցային և ռազմավարական գործընկերային հարաբերությունները կշարունակեն զարգանալ տարբեր ոլորտներում, քննարկել են համագործակցության հեռանկարներին վերաբերող հարցեր։
Հիշեցնենք՝ առաջինն Ալիևին զանգահարել և շնորհավորել են Ուզբեկստանի նախագահ Շավքաթ Միրզոևը և Բելառուսի նախագահ Ալեքսանդր Լուկաշենկոն։ Ավելի ուշ զանգահարել ու շնորհավորել են Թուրքիայի նախագահ Ռեջեփ Թայիփ Էրդողանը, Իրաքի, Սերբիայի, Տաջիկստանի, Ղազախստանի, Պակիստանի, Չինաստանի, Իրանի, Ղրղզստանի նախագահները, ինչպես նաև Հունգարիայի վարչապետը։ Ուկրաինայի նախագահ Վլադիմիր Զելենսկին էլ Ալիևին շնորհավորել է X-ի էջում գրառմամբ։
Ըստ Ադրբեջանի ԿԸՀ տվյալների՝ գործող նախագահ Իլհամ Ալիևը նախօրեին անցկացված արտահերթ նախագահական ընտրություններում հավաքել է ձայների 92,05 տոկոսը՝ քվեաթերթիկների 93,35 տոկոսի մշակումից հետո։
Պաշտոնական տվյալներով՝ ընտրություններին մասնակցել է 4 մլն 971,032 հազար ընտրող կամ քվեարկելու իրավունք ունեցողների 76,73 տոկոսը։
Էմմա Չոբանյան
