03.06.2026 | 11:53
Էլեկտրատեխնիկայի վաճառքով զբաղվող ընկերության հարկային գործով պետությանը պատճառված 100 մլն դրամի վնասը վերականգնվել է
Բաղդադում ոչնչացվել է Հորդանանում ԱՄՆ ռազմաբազայի վրա հարձակման կազմակերպիչը
Քաղաքականություն
08.02.2024 | 14:05
Բաղդադում սպանվել է Իրանի աջակցությունը վայելող շիաների «Քաթայիբ Հըզբոլլահ» խմբավորման առաջնորդ Աբու Բաքիր աս-Սաադին։ Նա իր երկու թիկնապահների հետ եղել է մեքենայում, որին հարվածել է ամերիկյան անօդաչու թռչող սարքը։ Երեքն էլ մահացել են։
Պենտագոնը հայտարարել է, որ Աբու Բաքիր ալ-Սաադին պատասխանատու է տարածաշրջանում ամերիկյան զորքերի վրա հարձակումների կազմակերպման համար, գրում է BBC-ի ռուսական ծառայությունը:
Միացյալ Նահանգներն ահաբեկչական համարվող իրաքյան «Քաթայիբ Հըզբոլլահ» խմբավորմանը մեղադրում է Հորդանանում ամերիկյան բազայի վրա հարձակման մեջ, որի հետևանքով հունվարին սպանվեց երեք ամերիկացի զինծառայող:
Իրաք ԱՄՆ-ի ներխուժումից հետո ստեղծված շիաներ «Քաթայիբ Հըզբոլլահ»-ն Իրանին մոտ կանգնած հիմնական խմբավորումներից է, որը վերջին ամիսներին հրթիռակոծել է տարածաշրջանում ամերիկյան բազաները: Ըստ ԱՄՆ-ի՝ այս խմբավորումը սերտորեն կապված է Իրանի Իսլամական հեղափոխության պահապանների կորպուսի (ԻՀՊԿ) հետ և բազմիցս ստացել է Իրանի օգնությունն ու աջակցությունը, որն օգտագործել է կոալիցիոն ուժերի վրա հարձակվելու համար։
Հիշեցնենք, որ հունվարի վերջին Հորդանանում անօդաչու թռչող սարքի հարձակման հետևանքով երեք ամերիկացի զինվոր է զոհվել, մոտ 40-ը՝ վիրավորվել։
