12.01.2025 | 14:16
Առաջիկա օրերին օդի ջերմաստիճանն էապես չի փոխվի
ԵՏՄ-ից դուրս գալը կհակասեր Հայաստանի շահերին․ ՌԴ փոխարտգործնախարար
Քաղաքականություն
08.02.2024 | 11:41
Եվրասիական տնտեսական միությանն անդամակցությունից հրաժարվելը Հայաստանի համար ձեռնտու չէր լինի, կհակասեր երկրի շահերին, «ՌԻԱ Նովոստիին» տված հարցազրույցում ասել է ՌԴ փոխարտգործնախարար Ալեքսանդր Պանկինը։
Հունվարի 1-ին ԵՏՄ նախագահությունը Ռուսաստանից անցել է Հայաստանին։ ՀՀ վարչապետ Նիկոլ Փաշինյանի խոսքով՝ հանրապետությունը շարունակում է զարգացնել փոխգործակցությունը տնտեսական համագործակցության շրջանակում հենց այս համատեքստում՝ «փորձելով ճնշել եվրասիական ինտեգրումը քաղաքականացնելու բոլոր փորձերը»։
Ըստ Պանկինի՝ ԵՏՄ-ի շրջանակում համագործակցությունն արդյունավետ է Հայաստանի համար, վերջին մի քանի տարիների ընթացքում երկիրը միության շրջանակներում դարձել է առաջատար այնպիսի ցուցանիշներով, ինչպիսիք են ՀՆԱ-ի աճը, հիմնական կապիտալում ներդրումները, շինարարական աշխատանքների ծավալը և այլն։
«Այդ ամենը մեծամասամբ հնարավոր է դարձել միասնական շուկայի շրջանակներում, աշխատանքային միգրանտների ազատ տեղաշարժի, ձեռնարկություններ բացելու հեշտության, էներգակիրների մատակարարման արտոնյալ պայմանների և այլն։ Այսպիսով՝ տնտեսական առումով միությանն անդամակցությունն Երևանին, անկասկած, շահեկան է, և դրանից հրաժարումը, ըստ մեզ՝ կհակասեր երկրի շահերին։ Հայաստանի վարչապետ Նիկոլ Փաշինյանի հնչեցրած առաջնահերթությունները համահունչ են ինտեգրացիոն ոլորտում մեր մոտեցումներին, մենք հավատարիմ ենք արդյունավետ համագործակցությանը»,- ասել է ռուս դիվանագետը։
Փետրվարի սկզբին Փաշինյանը, ելույթ ունենալով Եվրասիական միջկառավարական խորհրդի նիստում, ասել էր, որ 2023 թվականին ԵՏՄ երկրների հետ Հայաստանի ապրանքաշրջանառությունը նախորդ տարվա համեմատ աճել է 39%-ով և կազմել մոտ 7,8 մլրդ դոլար։
