12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Ուկրաինայի հարավը ենթարկվել է անօդաչուների հարձակման
Քաղաքականություն
08.02.2024 | 12:33
Ուկրաինայի հարավի պաշտպանական ուժերը հայտնել են գիշերը ԱԹՍ-ների հարձակման մասին Օդեսայի, Նիկոլաևի ու Վիննիցայի շրջանների վրա, գրում է BBC-ի ռուսական ծառայությունը։
Ըստ հաղորդագրության՝ հարձակումը տևել է ավելի քան 5 ժամ։ Ընդհանուր առմամբ, երեք շրջաններում հաջողվել է 10 անօդաչու խոցել։ Ուկրաինայի ռազմաօդային ուժերն ավելի վաղ հայտնել էին, որ Ուկրաինայի ամբողջ տարածքի վրա հարձակվել է 17 ԱԹՍ, որից 11-ը խոցվել է։
Օդեսայում հարվածել են քաղաքացիական ենթակառուցվածքների, վնասվել է կիսակառույց բարձրահարկ շենք, գրանցվել է նաև ուսումնական հաստատության շենքի վնաս (կոտրվել են տանիքը, պատուհանները)։ Տուժածներ չկան։
Նիկոլաևում ևս հարվածներ են հասցվել քաղաքացիական ենթակառուցվածքներին․ վնասվել են բնակելի շենքեր, արտադրական օբյեկտ և մարզական համալիր։ Տուժած մարդկանց մասին տեղեկություններ չկան։
Վիննիցայի շրջանում էլ խոցված անօդաչու թռչող սարքերի բեկորներն ընկել են ենթակառուցվածքի օբյեկտի վրա, հրդեհ է բռնկվել։ Զոհեր և վիրավորներ չկան։
Հավելենք, որ Ռուսաստանը չի մեկնաբանել ԱԹՍ-ներով վերջին հարձակումը։
