15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
Բորելն Ուկրաինային մինչև տարեվերջ ԵՄ-ից ավելի քան 1 մլն զինամթերք է խոստացել
Քաղաքականություն
07.02.2024 | 18:23
Եվրամիության արտաքին քաղաքականության և դիվանագիտության հարցերով բարձր ներկայացուցիչ Ժոզեպ Բորելը Կիևում ուկրաինական իշխանությունների հետ քննարկում է Ուկրաինայի զինված ուժերի համար զինամթերքի մատակարարման հարցեր, գրում է BBC-ի ռուսական ծառայությունը։
Անցյալ տարի ԵՄ-ն խոստացել էր Ուկրաինային մեկ միլիոն արկ մատակարարել մինչև 2024 թվականի մարտը, սակայն իրականում այդ խոստումը կկարողանա կատարել առավելագույնը հիսուն տոկոսի չափով։
Այժմ Բորելը հայտարարել է, որ մինչև 2024 թվականի ավարտը Ուկրաինան ԵՄ-ից պետք է ստանա 1,155 միլիոն զինամթերք։
«Եվրամիության պաշտպանական-արդյունաբերական համալիրը շարունակում է աճել և զարգանալ։ Կարելի է փաստել, որ նրա կարողությունն աճել է 40%-ով»,- ասել է Բորելը։
Կիև այցից առաջ Բորելն ասել էր, որ ԵՄ-ն չի կատարում Ուկրաինային հրետանային արկեր մատակարարելու՝ սեփական պլանները, ոչ թե այն պատճառով, որ ԵՄ երկրները բավարար արտադրական հզորություններ չունեն, այլ այն պատճառով, որ նրանք արկեր են արտահանում այլ երկրներ։
