05.11.2024 | 17:48
Ըստ Լավրովի՝ Կովկասում հապճեպ խաղաղությունը ոչ մի լավ բանի չի հանգեցնի
Իշխանափոխությունից հետո որքա՞ն գումար է վերադարձվել պետբյուջե․ ՏԵՍԱՆՅՈՒԹ
Տնտեսություն
09.08.2018 | 19:00
Իշխանության գալուց ի վեր վարչապետ Նիկոլ Փաշինյանն ակտիվ պայքար հայտարարեց կոռուպցիայի դեմ:
Մշտապես տեղեկանում ենք մանր ու խոշոր ձեռնարկությունների հարկային պարտավորությունների չկատարման, կոռուպցիոն երևույթների և այլնի մասին:
Դրանցից յուրաքանչյուրով, բնականաբար, գումար է դուրս գրվում և վերադարձվում բյուջե:
Ինչպես հայտարարում է վարչապետն ինքը, երկրում տեղի է ունենում օրինականության վերականգնման գործընթաց:
Հուլիսի 10-ին՝ Կառավարության նիստի մեկնարկին, վարչապետ Փաշինյանն արձանագրեց. «Իրավապահ մարմինների կողմից հարուցված քրեական գործերի շրջանակներում միայն հարկային պարտավորությունների մասով, հուլիսի 1-ի դրությամբ հաշվարկվել է 20 մլրդ 220 մլն դրամի չվճարված հարկ, որը կազմում է 42 մլն դրոլար»։
Վարչապետը երկու ամսում նման ցուցանիշը համարեց բավականին լավ:
Միայն թե նշեց, որ այդ 42 մլն դոլարից ընդամենը 800 մլն դրամը, այսինքն՝ 2 մլն դոլարից պակաս գումարն է մտել պետբյուջե:
Factor.am-ը հարցում էր ուղարկել պետական եկամուտների կոմիտե՝ ճշտելու, թե հեղափոխական իրադարձություններից հետո ինչ հարկային պարտավորությունների չկատարման բացահայտումներ են արվել:
ՊԵԿ-ի պատասխաններն ու պետբյուջեի վերականգնման այլ մանրամասները՝ տեսանյութում:
Սևակ Հակոբյան
