15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Բորելն առավոտն անցկացրել է Կիևի ապաստարանում
Քաղաքականություն
07.02.2024 | 13:55
Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը փետրվարի 7-ի առավոտը Կիևում անցկացրել է ապաստարանում՝ ռուսական հրթիռային հարձակման պատճառով: Այս մասին նա հայտնել է X-ի միկրոբլոգում գրառմամբ։
Եվրոպացի դիվանագետն ապաստարանից նաև լուսանկար է հրապարակել։
«Առավոտս սկսում եմ ապաստարանում, երբ ամբողջ Կիևում օդային հարվածների ազդանշաններ են հնչում: Սա խիզախ ուկրաինացի ժողովրդի ամենօրյա իրականությունն է այն պահից, երբ Ռուսաստանը սկսել է իր անօրինական ագրեսիան», – գրել է Բորելը:
Հիշեցնենք, որ փետրվարի 7-ի առավոտից Ռուսաստանը «Շահեդ»-ներով և հրթիռներով զանգվածային հարվածներ է հասցրել Ուկրաինային։ Հարձակման թիրախում են հայտնվել Կիևը, Խարկովը, Նիկոլաևը և արևմտյան շրջանները։
Հայտնի է դարձել, որ ՌԴ-ն 64 հրթիռ է արձակել, Ուկրաինայի ՀՕՊ համակարգերին հաջողվել է ոչնչացնել 44-ը։
