07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Վրաստանում սողանքի հետևանքով մարդկային կորուստների թիվը հասել է 4-ի
Քաղաքականություն
07.02.2024 | 13:34
Վրաստանի Իմերեթի շրջանում սողանք է գրանցվել։ Սպուտնիկի վրացական ծառայության հաղորդմամբ՝ զոհերի թիվը հասել է 4-ի։ Հողը զանգվածաբար հոսել է 4 բնակելի տների վրա։ Որոնողափրկարարական աշխատանքներ են տարվում։
«Այս պահին ինտենսիվ որոնողափրկարարական աշխատանքների արդյունքում հայտնաբերվել է չորս մարդու դի, հինգի որոնողական աշխատանքները շարունակվում են»,- ասել է Արտակարգ իրավիճակների կառավարման ծառայության ղեկավար Թեմուր Մղեբրիշվիլին՝ հավելելով, որ որոնողական աշխատանքները կշարունակվեն այնքան, մինչև բոլոր տուժածները հայտնաբերվեն։
Աշխատանքներին ներգրավվել են ավելի քան 200 հրշեջներ և փրկարարներ, կինոլոգների խումբ, անօդաչու թռչող սարքեր։ Մղեբրիշվիլիի խոսքով՝ ակնկալվում է, որ աշխատանքները կավարտվեն մինչև օրվա վերջ։
Մինչև փետրվարի 8-ը Վրաստանում օդերևութաբանները կանխատեսում են հորդառատ անձրևներ, քամի, ձյուն, ծովում մինչև վեց բալ ուժգնությամբ փոթորիկ, լեռնային շրջաններում՝ բուք, ճանապարհներին՝ մերկասառույց: Փետրվարի 8-ից օդերևութաբանները հանրապետության ամբողջ տարածքում կանխատեսում են ջերմաստիճանի կտրուկ բարձրացում և առանց տեղումների եղանակ։
