22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
ՄԱԳԱՏԷ-ի պատվիրակությունը ժամանել է Զապորոժիեի շրջան
Քաղաքականություն
07.02.2024 | 13:05
Ատոմային էներգիայի միջազգային գործակալության (ՄԱԳԱՏԷ) պատվիրակությունը գլխավոր տնօրեն Ռաֆայել Գրոսսիի գլխավորությամբ ժամանել է Զապորոժիեի շրջան։ Պատվիրակության ավտոշարասյունը բաղկացած է 12 ավտոմեքենայից, նրանց ուղեկցում է ռազմական ոստիկանությունը, փոխանցում է Կոմերսանտը։
Ավտոշարասյունը Զապորոժիեի ատոմակայան տանող ճանապարհին անցել է ռուսական անցակետը Վասիլևկա քաղաքի մոտ։
2022 թվականի հոկտեմբերից Զապորոժիեի ԱԷԿ-ը գտնվում է «Ռոսէներգոատոմ» ԲԲԸ-ի («Ռոսատոմ»-ի դուստր ձեռնարկություն) կառավարման ներքո։ ՄԱԳԱՏԷ-ի փորձագետները գործարանում ներկա են 2022 թվականի սեպտեմբերի 1-ից, երբ տեղի ունեցավ Գրոսսիի առաջին այցը կայան։
ՄԱԳԱՏԷ-ն դժգոհել է, որ իր փորձագետներին թույլ չեն տվել այցելել Զապորոժիեի ԱԷԿ-ի մի քանի էներգաբլոկներ։ Անցյալ շաբաթ Ռուսաստանը ՄԱԳԱՏԷ-ին տեղեկացրել էր, որ ականներ է տեղադրել Զապորոժիեի ատոմակայանի պաշտպանության համար։
Նախօրեին Ռաֆայել Գրոսսին այցելել է Կիև և հանդիպել Ուկրաինայի էներգետիկայի նախարար Գերման Գալուշչենկոյի հետ։
