07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
ՀԱՄԱՍ-ի առաջնորդները գրավոր պատասխանել են Բլինքենի առաջարկած գործարքին
Քաղաքականություն
07.02.2024 | 12:09
ԱՄՆ պետքարտուղար Էնթոնի Բլինքենը հայտնել է, որ ՀԱՄԱՍ-ի առաջնորդները գրավոր պատասխան են տվել պատանդների վերաբերյալ իր առաջարկած գործարքին, որը ենթադրում է մարտերի դադարեցում Գազայում: Նա ասել է, որ Միացյալ Նահանգներն ինտենսիվորեն ուսումնասիրում է ՀԱՄԱՍ-ի պատասխանը և չորեքշաբթի այն կքննարկի Իսրայելի իր գործընկերների հետ, գրում է VOA-ն։
Դոհայում մամուլի ասուլիսի ժամանակ Բլինքենը լրագրողներին ասել է, որ այդ առաջարկին ՀԱՄԱՍ-ի պատասխանը փոխանցվել է Իսրայելին։
«Մենք կաշխատենք այնքան, որքան կարող ենք, որպեսզի փորձենք հասնել համաձայնության, կարողանանք առաջ շարժվել պատանդների շուրջ ոչ միայն թարմացված, այլև ընդլայնված համաձայնության համար և այն բոլոր առավելությունների համար, որոնք այն կբերի»,- ասել է նա:
Հիշեցնենք, որ ԱՄՆ դիվանագիտության ղեկավարը երեքշաբթի բանակցություններ է վարել Եգիպտոսի և Կատարի առաջնորդների հետ՝ Գազայում նոր ժամանակավոր զինադադար հաստատելու և պաղեստինցի խաղաղ բնակիչներին մարդասիրական օգնության ավելացման համառ կոչերի ֆոնին։
