03.06.2026 | 11:10
Կարսում Հայաստանի ու Թուրքիայի գործարար շրջանակների հանդիպում է տեղի ունեցել
ԱՄՆ Կոնգրեսի Ներկայացուցիչների պալատը մերժել է Իսրայելին առանց Ուկրաինայի օգնության՝ Հանրապետականների օրինագիծը
Քաղաքականություն
07.02.2024 | 12:40
ԱՄՆ Ներկայացուցիչների պալատը մերժել է Հանրապետականների օրինագիծը, որը նախատեսում էր 17,6 միլիարդ դոլարի տրամադրում Իսրայելին, գրում է Reuters-ը։
Դեմոկրատներն ասում են, որ փոխարենը ցանկանում են քվեարկել ավելի լայն օրինագծի շուրջ, որը կներառի նաև օգնություն Ուկրաինային, միջազգային մարդասիրական ֆինանսավորում և գումար՝ ԱՄՆ սահմանների անվտանգության համար:
Իսրայելին ուղղված օգնությունը, որն ԱՄՆ արտաքին օգնության ամենամեծ ստացողներից է, ավանդաբար ստացել է Կոնգրեսում երկկուսակցական ուժեղ աջակցություն: Սակայն շատ ընդդիմախոսներ օրինագիծն անվանում են Հանրապետականների քաղաքական հնարք՝ ուշադրությունը շեղելու Սենատի 118 միլիարդ դոլար արժողությամբ օրինագծից, որը միավորում է ԱՄՆ ներգաղթի քաղաքականության բարեփոխումը և սահմանների անվտանգության նոր ֆինանսավորումը, միլիարդավոր դոլարների շտապ օգնությունն Ուկրաինային, Իսրայելին և գործընկերներին:
Ներկայացուցիչների պալատի հանրապետական խոսնակ Մայք Ջոնսոնն ասել է, որ Սենատի օրինագիծը «մեռած է եղել տեղ հասնելուն պես»։ Իսկ Սենատի հանրապետական առաջնորդներն էլ ասել են, որ չեն կարծում, թե այն բավարար ձայներ կհավաքի ընդունվելու համար:
ԱՄՆ նախագահ Ջո Բայդենը, որն աջակցում է Սենատի օրինագծին, խոստացել է վետո դնել Ներկայացուցիչների պալատի կողմից միայն Իսրայելի համար նախատեսված օրինագծի վրա:
Էմմա Չոբանյան
