12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
«Մարտի 1-ի» գործով Սերժ Սարգսյանը պետք է հարցաքննվի. Արամ Սարգսյան․ ՏԵՍԱՆՅՈՒԹ
Քաղաքականություն
18.08.2018 | 21:40
Հայ հանրության հիմնական զանվածը խորապես համոզված է, որ «Մարտի 1-ի» հանրահավաքը ցրելու, բիրտ ուժ կիրառելու, զորքերը քաղաք մտցնելու հրաման տվողը եղել է այն ժամանակվա գերագույն գլխավոր հրամանատարը, այսինքն՝ Ռոբերտ Քոչարյանը:
Այս մասին Factor.am-ի հետ զրույցում ասաց ԱԺ «Ելք» խմբակցության պատգամավոր Արամ Սարգսյանը:
«Մարտի 1-ի գիշերը գործողություններ են կատարել ուժային բոլոր կառույցները, միաժամանակ, որոնք չէին կարող միմյանցից անջատ գործընթացներ ծավալել, պիտի լիներ մեկը, ով բոլոր ուժային կառույցներին հրահանգ տար: Անկասկած, դա արել է Ռոբերտ Քոչարյանը, հանրությունն այդպես է մտածում և հանրային այդ մոտեցումը դատարանի կողմից կամ պետք է հաստատվի, կամ հերքվի»,- նշեց Արամ Սարգսյանը:
Ընդդիմադիր գործիչը համոզված է, որ Ռոբերտ Քոչարյանը մեղավոր է, և դատարանն ունի բավարար հիմքեր նրա մեղավորությունն ապացուցելու համար:
Արամ Սարգսյանի պնդմամբ՝ անցած տասը տարիների ընթացքում «Մարտի 1-ի» բացահայտումը հասնելու էր մարդկանց, որոնք Սերժ Սարգսյանի թիմի անդամներ էին: «Եթե Հանրապետական կուսակցությունը Սերժ Սարգսյանի գլխավորությամբ շահագրգռված լիներ «Մարտի 1-ը» բացահայտելով, ապա այդ թիմից շատ շատերը դատարանի առաջ պատասխան տալու խնդիր էին ունենալու»,- շարունակեց Արամ Սարգսյանը՝ հավելելով, որ Ռոբերտ Քոչարյանի և նրա շրջապատին պատկանող բիզնեսները Սերժ Սարգսյանի իշխանության օրոք բարգավաճել են:
Հարցազրույցն ամբողջությամբ՝ տեսանյութում:
Շողիկ Գալստյան
