01.05.2026 | 11:16
Հայտնի են այս տարվա «Ոսկե ծիրան»-ի անցկացման ժամկետները
Ուկրաինան նոր զանգվածային հրթիռային հարձակման է ենթարկվել
Քաղաքականություն
07.02.2024 | 11:03
Ուկրաինան չորեքշաբթի գիշերը ենթարկվել է զանգվածային հրթիռային հարձակման, հաղորդում է BBC-ի ռուսական ծառայությունը։
Մի քանի պայթյուններ են որոտացել Կիևում․ քաղաքապետ Վիտալի Կլիչկոն հայտնել է հակաօդային պաշտպանության համակարգերի աշխատանքի մասին։ Խարկովի մարզի իշխանություններն էլ հայտարարել են բալիստիկ հրթիռներով հերթական հարձակման մասին, որին նախորդել է կամիկաձե ԱԹՍ-ների գրոհը։
«Հակառակորդի հարձակման հետևանքով մայրաքաղաքի երկու բարձրավոլտ գծեր հրթիռների բեկորներից վնասվել են։ Ձախ ափի որոշ սպառողներ հոսանքազրկված են»,- գրել է Կիևի քաղաքապետը Telegram-ի իր ալիքում։ Մայրաքաղաքի Դնեպրի շրջանում բժիշկները տեղում օգնություն են ցուցաբերել մեկ տուժածի։ Ավելի ուշ Կլիչկոն հայտնել է Կիևի Գոլոսեևսկի թաղամասի բնակելի շենքում բռնկված հրդեհի մասին։ Դնեպրի շրջանում, որտեղ բեկորներն են ընկել, կա երկու վիրավոր։ Օդային գրոհը շարունակվում է։
Հարվածներ են գրանցվել Խարկովի Սլոբոդա թաղամասում, վնասվել են ոչ բնակելի ենթակառուցվածքները, հայտնում է շրջանային ռազմական վարչակազմի ղեկավար Օլեգ Սինեգուբովը։
Նիկոլաևի քաղաքապետ Ալեքսանդր Սենկևիչը Telegram-ում հայտնել է, որ հրետակոծությունից հետո վերակենդանացման բաժանմունքում մահացել է մեկ մարդ։ Սենկևիչը հայտնել է նաև, որ քաղաքում կան վնասված բնակելի շենքեր, վնասվել են նաև գազամատակարարման և ջրամատակարարման գծեր։ Պայթյուններ են տեղի ունեցել նաև Լվովի մարզիում։
Դնեպրոպետրովսկի մարզի Նովոմոսկովսկի շրջանում ԱԹՍ-ի բեկորները վնաս են հասցրել կոմունալ ընկերությանը, գրում են ուկրաինական լրատվամիջոցները։
