13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Քննարկվում է՝ ինչ անել Վաչագան Ղազարյանի վերադարձրած գույքերը․ վաճառքը տարբերակներից մեկն է
Քաղաքականություն
06.02.2024 | 19:05
Պետական գույքի կառավարման կոմիտեն քննարկում է Սերժ Սարգսյանի թիկնազորի նախկին պետ Վաչագան Ղազարյանի կողմից պետությանը վերադարձրած գույքերի հետագա օգտագործման տարբերակները։ Այս մասին Factor.am-ի հարցին ի պատասխան ասաց կոմիտեի նախագահ Առնակ Ավետիսյանը։
«Համապատասխան առաջարկներ կներկայացնենք կառավարություն։ Գույքի տնօրինման մի քանի տարբերակներ կան, բոլոր տարբերակներն էլ քննարկում ենք»,-ասաց Առնակ Ավետիսյանը։
Factor.am-ի հարցին՝ այդ թվում նաև վաճառքի տարբերակն է քննարկվում, պաշտոնյան պարզաբանեց․ «Վաճառքը տարբերակներից մեկը կարող է դիտարկվել տեսականորեն։ Մենք հիմա կոմպլեքս հետազոտություն ենք իրականացնում, թե այդ գույքերը ո՞ր տարբերակով մեծ օգուտներ կբերեն։ Բոլոր հնարավոր տարբերակները քննարկվում են, դրանցից կընտրվի լավագույնը։ Նախագիծը կարճ ժամանակ անց կներկայացվի կառավարությանը»։
Նշենք, որ 2022 թվականի սեպտեմբերին Դատախազության ապօրինի ծագում ունեցող գույքի բռնագանձման վարչությունը հայցադիմում էր ներկայացրել դատարան՝ պահանջելով Վաչագան Ղազարյանից և ընտանիքից, ի թիվս այլնի, բռնագանձել Ծովակալ Իսակովի պողոտա 23, 25/2, 25/3 և 25/4 հասցեներում գտնվող հասարարական տարածքներ և բնակավայրի նշանակության հողամասերը։ 2023 թվականի օգոստոսի 30-ին Ղազարյանի և Դատախազության միջև կնքվել է հաշտության համաձայնություն, համաձայն որի՝ Ղազարյանը 4 միավոր անշարժ գույք է վերադարձրել պետությանը։
Նարեկ Կիրակոսյան
