07.10.2026 | 14:37
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
Օլժաս Բեկտենովը Ղազախստանի վարչապետ է նշանակվել
Քաղաքականություն
06.02.2024 | 15:08
Ղազախստանի նախագահ Կասիմ-Ժոմարտ Տոկաևը հրամանագիր է ստորագրել Օլժաս Բեկտենովին երկրի վարչապետ նշանակելու մասին։ ՌԻԱ Նովոստիի փոխանցմամբ՝ այս մասին հայտնում է պետության ղեկավարի մամուլի ծառայությունը։
Ղազախստանի կառավարությունը, որը 2022 թվականի հունվարից գլխավորում էր Ալիխան Սմաիլովը, հրաժարական տվեց փետրվարի 5-ին։ Տոկաևը նախարարների կաբինետին հանձնարարել է կատարել պարտականությունները մինչև նոր կառավարության ձևավորումը։ Երեքշաբթի ավելի վաղ Բեկտենովի թեկնածությունը վարչապետի պաշտոնում առաջարկել էր իշխող «Ամանաթ» կուսակցությունը, և Մեջիլիսը (խորհրդարանի ստորին պալատը) համաձայնել էր այս նշանակմանը։
«Պետության ղեկավարի հրամանագրով Օլժաս Բեկտենովը նշանակվել է Ղազախստանի Հանրապետության վարչապետ, նա ազատվել է նախկինում զբաղեցրած պաշտոնից»,- ասվում է հրամանագրի տեքստում։
