Եթե քաղբանտարկյալների հարցը չլուծվի, համապետական ընտրությունների լեգիտիմությունը կդրվի կասկածի տակ․ Գևորգ Սաֆարյան

Ռոբերտ Քոչարյանը զուտ իրավական իմաստով է պետք է պաշտպանվի, նրա պաշտպանության խնդիրը չի քննարկվում։ Հարցն այստեղ այլ դաշտում է․ նրա  անմիջական հովանավորության ներքո կատարված ոճիրների պատասխանատվությունը պետք է ինքը կրի, նրա գործած ոճիրները կասկածի ենթակա չեն, իսկ դրանից բխող  ամբողջ պատասխանատվությունն ինքը պետք է տանի։

Այս մասին այսօր հրավիրված մամուլի ասուլիսի ժամանակ ասաց «Հիմնադիր խորհրդարանի» անդամ Ալեք Էնիգոմշյանը։

Ասուլիսին ներկա «Հիմնադիր խորհրդարանի»  մեկ այլ անդամ Գևորգ Սաֆարյանն էլ նկատեց, որ, թեև, յուրաքանչյուր քաղաքացի ունի դատարանում իրեն պաշտպանելու իրավունք, սակայն Քոչարյանի պաշտպաններին հիշեցրեց, որ պետք չէ անել հայտարարություններ, որոնք դուրս են փաստաբանական էթիկայի կաննոներից։

Գևորգ Սաֆարյանն անդրադարձավ նաև Ռ․ Քոչարյանին առաջադրված մեղադրանքին, և նշեց, որ որևէ Սահմանադրություն որևէ մեկին չի տալիս անձեռնմխելիություն, որ տապալվի երկրում սահմանադրական կարգն, ինչը տեղի ունեցավ 2008 թվականին։

Իսկ ինչ վերաբերում է Ռոբերտ Քոչարյանի և «Սասնա Ծռերի» միջև արված համեմատություններին և հարցադրմանը, թե ինչու ծռերը պետք է ազատ արձակվեն, իսկ 2-րդ նախագահը ձերբակալվի, Գևորգ Սաֆարյանն ասաց․ 

«Որովհետև Քոչարյանը տապալել է Սահմանադրական կարգը, իսկ «Սասնա ծռերը», սեփական կյանքը վտանգելով, վերականգնել են այդ կարգը, հետևաբար, Ռեբերտ Քոչարյանը պետք է բանտարկվի, իսկ «Սասնա ծռերը» պետք է ազատ արձակվեն»։ 

 Անդրադառնալով սպասվող ընտրություններին իրենց մասնակցությանը՝ Գևորգ Սաֆարյանը նշեց, որ անելու են ամեն ինչ գործող իշխանությանն ու Կառավարությանը սատարելու համար, քանի որ նրանք հանդիսանում են ժողովրդի կողմից ընտրված իշխանություններ։ 

«Թեկնածուների մասով դեռևս որոշում չունենք։ Ես հուսով եմ, որ մինչև արտահերթ ընտրությունները քաղբանտարկյալների հարցը կլուծվի, իսկ եթե այդ հարցը չլուծվի,  մենք խնդիր կունենանք կասկածի տակ դնել համապետական ընտրությունների լեգիտիմությունը»,-ասաց Սաֆարյանը։ 

Ալեք Ենիգոմշյանն էլ նկատեց, որ իրենց համար առաջնային են համապետական ընտրությունները, ի տարբերություն Երևանի ավագանու ընտրությունների։

«Դեռ պարզ չէ, թե երբ է յանալու Ազգային ժողովի ընտրությունը, երբ օրը հստակ կլինի, մենք մեր դիրքորոշումը կհայտնենք»,-ասաց նա։