07.10.2026 | 14:35
«Գիտուժ»-ը ահազանգում է․ 2027-ի բյուջեի նախագծում գիտության ռազմավարությամբ նախատեսված ծրագրերը ներառված չեն
Լենինգրադի շրջանի 4 նավահանգիստներում բարձր պատրաստվածության ռեժիմ է սահմանվել ԱԹՍ-ների հարձակումներից հետո
Քաղաքականություն
06.02.2024 | 14:33
ՌԴ Լենինգրադի շրջանի չորս նավահանգիստներում՝ Վիբորգում, Վիսոցկում, Պրիմորսկում և Ուստ-Լուգայում, բարձր պտրաստվածության ռեժիմ է մտցվել։ Այս մասին գրում է Ինտերֆաքսը՝ վկայակոչելով Բալթիկ ծովի նավահանգիստների աշխատակազմի հրապարակված փաստաթղթերը։
«Հիմքը տեխնածին բնույթի արտակարգ իրավիճակների առաջացման մակարդակն է Ուկրաինայի զինված ուժերի անօդաչու թռչող սարքերի կողմից ծովային նավահանգստի օբյեկտների և տարածքի վրա հարձակումների հետևանքով»,- ասվում է Ուստ-Լուգային վերաբերող հրամանում։
Նմանատիպ պատճառ է նշվում Վիբորգի, Վիսոցկի և Պրիմորսկի նավահանգիստներում ռեժիմի մասին սահմանման փաստաթղթերում։
Հունվարին Լենինգադի շրջանի նահանգապետ Ալեքսանդր Դրոզդենկոն բարձր պատրաստվածության ռեժիմ էր սահմանել մարզի բոլոր շրջանների կարևոր ենթակառուցվածքային օբյեկտներում: Անվտանգության ստորաբաժանումները և իրավապահ մարմինները հրաման են ստացել ոչնչացնել անօդաչու թռչող սարքերը, եթե դրանք հայտնաբերվեն հարակից տարածքներում։
Նշենք, որ հուվարի 21-ին Ուստ-Լուգայի նավահանգստի НОВАТЭК ընկերության տերմինալում հրդեհ էր բռնկվել։ Ընկերությունը հայտնել էր «արտաքին ազդեցության», լրատվամիջոցները՝ անօդաչու թռչող սարքի հարձակման մասին։ Ուկրաինական աղբյուրները պնդում էին, որ դա Ուկրաինայի անվտանգության ծառայության գործողությունն է։
Հունվարի 31-ին էլ ռուսական լրատվամիջոցները գրել էին, որ ՀՕՊ-ի կողմից խոցված անօդաչու թռչող սարքն ընկել է Սանկտ Պետերբուրգում՝ «Նևսկի մազուտ» ընկերության տարածքում։
Էմմա Չոբանյան
