22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Ֆրանսիայի ԱԺ-ն մերժել է նոր կառավարությանն անվստահություն հայտնելու հարցը
Քաղաքականություն
05.02.2024 | 18:09
Ֆրանսիայի Ազգային ժողովը (խորհրդարանի ստորին պալատը) մերժել է երկրի կառավարության նոր կաբինետին անվստահություն հայտնելու հարցը, գրում է ՏԱՍՍ-ը։
Ընդդիմությանը հաջողվել է կառավարության հրաժարականի համար հավաքել ընդամենը 124 ձայն՝ անհրաժեշտ 289-ի դիմաց։
Ձախ ընդդիմության նախաձեռնած անվստահության հարցն աջակցություն չի գտել աջակողմյան կուսակցությունների կողմից։
Վարչապետ Գաբրիել Աթալի գլխավորած նախարարների կաբինետը ձևավորվել է հունվարի 11-ին։ 34-ամյա Աթալը՝ Ֆրանսիայի պատմության ամենաերիտասարդ վարչապետը, կառավարության ղեկավարի պաշտոնում փոխարինել է Էլիզաբեթ Բորնին, որին երկրի նախագահ Էմանուել Մակրոնը պաշտոնանկ է արել։
