Yandex-ը հայտարարել է ընկերության բաժանման մասին

Նիդերլանդական Yandex N.V. ընկերությունը Yandex բիզնեսը 475 միլիարդ ռուբլով մասնավոր ներդրողների և ընկերությունների ղեկավարների կոնսորցիումին վաճառելու գործարք։ Գումարի առնվազն 50%-ը կվճարվի կանխիկ, BBC-ի փոխանցմամբ ասվում է ընկերության տարածած մամուլի հաղորդագրության մեջ։
2022 թվականից գործարքը հնարավոր չի եղել իրականացնել, քանի որ ընկերությանը միացել է ՌԴ Հաշվիչ պալատի նախկին ղեկավար Ալեքսեյ Կուդրինը։ Կարճ ժամանակ անց նա հայտնվել է պատժամիջոցների տակ, ինչը դարձել է բաժանման խոչընդոտ։ Բիզնեսի բաժանման պահանջը դրված է եղել ուկրաինական պատերազմի պատճառով։
«2022 թվականի փետրվարից Yandex խումբը և մեր թիմը կանգնած են բացառիկ խնդիրների առաջ։ Մենք հավատում ենք, որ գտել ենք լավագույն լուծումը մեր բաժնետերերի, մեր թիմերի և մեր օգտատերերի համար այս արտասովոր հանգամանքներում», – ասել է Yandex N.V-ի տնօրենների խորհրդի նախագահ Ջոն Բոյնթոնը:
Ինչպես և սպասվում էր, Yandex-ը կպահպանի Yandex N.V խմբի բիզնեսները, ծառայությունները և ակտիվները,- բացառությամբ Nebius, Toloka, Avride և TripleTen օտարերկրյա ստարտափների, որոնք ստեղծված են Yandex-ի հիմնադիր Արկադի Վոլոժի կողմից Իսրայելում, ինչպես նաև տվյալների կենտրոնը Ֆինլանդիայում:
Բացի Yandex-ի մենեջերներից, կոնսորցիումը կունենա չորս բաժնետեր՝ առանց վերահսկիչ բաժնետոմսերի՝ Lukoil խմբի, ինչպես նաև LetaCapital վենչուրային հիմնադրամի հիմնադիր Ալեքսանդր Չաչավայի, Infinitum դեպոզիտարիայի տնօրեն Պավել Պրասի և ձեռնարկատեր Ալեքսանդր Ռյազանովի։
MCAO Yandex-ի գլխավոր սեփականատերը կլինի փակ բաժնետիրական ներդրումային հիմնադրամը՝ Yandex-ի մենեջերների գլխավորությամբ։ Խմբի նոր մայր ընկերությունը Yandex N.V-ի փոխարեն կդառնա «Յանդեքս» բաժնետիրական ընկերություն, որը գրանցված է Կալինինգրադի մարզում։ Գործադիր տնօրենը կմնա Արտեմ Սավինովսկին։