15.12.2025 | 13:11
«Լեգիայի» երկրպագուները շնորհակալություն են հայտնել ՖԱՖ-ին
Մեքենան բեռնված էր հաճարենու կոճղերով. Արմավիրի ոստիկանների բացահայտումը
Հասարակություն
05.02.2024 | 11:45
Ապօրինի ծառահատումների դեմ պայքարը հետևողականորեն շարունակվում է: Հերթական արդյունքը հունվարի 27-ին գրանցել են ոստիկանության Արմավիրի բաժնի համայնքային ծառայողները։ Նրանք Նորապատ գյուղում ստուգել են կոճղերով բարձված մի բեռնատար․ տեղեկացնում են ՆԳՆ ՓԾ-ից։
Բեռնատարը բարձված էր 5 խմ հաճարենու կոճղերով, մինչդեռ վարորդը համապատասխան փաստաթուղթ է ներկայացրել միայն 4 խմ փայտանյութի վերաբերյալ։ Նա հայտնել է, որ փայտանյութը «Սևքարի անտառտնտեսությունից» տեղափոխում էր Արմավիր:
Բեռնատարը տեղափոխվել է ոստիկանության Արմավիրի բաժնի պահպանվող հատուկ տարածք։
Կազմված փաստաթղթերն ուղարկվել են Տավուշի մարզային քննչական վարչություն։
