24.06.2026 | 12:30
Չալաբյանը մեղադրվում է ընտրողների ընտրական իրավունքը խոչընդոտելու համար. նա պնդել է, որ մեղադրանքը սուտ է․ ՏԵՍԱՆՅՈՒԹ
Զելենսկին հրապարակային հաստատել է, որ մտածում է Զալուժնիին փոխարինելու մասին
Քաղաքականություն
05.02.2024 | 11:33
Ուկրաինայի նախագահ Վլադիմիր Զելենսկին առաջին անգամ հաստատել է, որ մտածում է երկրի զինված ուժերի գլխավոր հրամանատար Վալերի Զալուժնիին փոխարինելու մասին։ Այս մասին նա խոսել է իտալական RAI հեռուստաալիքին տված հարցազրույցում, փոխանցում է BBC-ի ռուսական ծառայությունը։
«Զալուժնի՞ն։ Մեզ պետք է վերափոխում, ղեկավարության փոփոխություն՝ ոչ միայն ռազմական։ Այդ հարցը վերաբերում է մարդկանց, որոնք պետք է ղեկավարեն Ուկրաինան։ Անհրաժեշտ է նոր սկիզբ»,- ասել է Զելենսկին՝ պատասխանելով ԶՈՒ գերագույն գլխավոր հրամանատարի հնարավոր հրաժարականի մասին լուրերին մեկնաբանելու հարցին։
Նա նաև հավելել է, որ, ընդհանուր առմամբ, մտածում է երկրի ղեկավարության վերափոխման մասին։
«Երբ մենք խոսում ենք այդ մասին, ես նկատի ունեմ, պետական մի շարք առաջնորդների ռոտացիան ոչ միայն մեկ ոլորտում, ինչպիսին է ռազմականը։ Դրա համար ես խոսում եմ վերափոխման, փոփոխության մասին, նկատի ունեմ՝ որևէ լուրջ բան, որը վերաբերում է ոչ թե մեկ մարդու, այլ երկրի ղեկավարման ուղղությանը»,- հայտարարել է Ուկրաինայի նախագահը։
Էմմա Չոբանյան
