12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Չիլիում մոլեգնում են անտառային հրդեհները․ մարդկային կորուստների թիվը գերազանցել է հարյուրը․ ԼՈւՍԱՆԿԱՐՆԵՐ
Քաղաքականություն
05.02.2024 | 11:50
Չիլիում անտառային հրդեհների հետևանքով վերջին տվյալներով զոհվել է 112 մարդ։ Նախագահ Գաբրիել Բորիչը արտակարգ դրություն է հայտարարել Վալպարաիսո շրջանում և խոստացել տրամադրել «բոլոր անհրաժեշտ ռեսուրսները» իրավիճակը կարգավորելու համար, գրում է BBC-ի ռուսական ծառայությունը։
Իշխանությունները նախազգուշացրել են, որ հրդեհների տարածքը շարունակում է ընդլայնվել, և զոհերի թիվը կարող է աճել։ Այս պահին հրդեհի 40 ակտիվ օջախ կա։
Տեղական լրատվամիջոցների հաղորդմամբ՝ Անտառային հրդեհների դեմ պայքարի տարածաշրջանային կոմիտեն (COGRID) հայտնել է, որ տուժածներից 45-ին տեղում մահացած են գտել, իսկ մնացածը ստացած այրվածքներից մահացել են հիվանդանոցներում։
Կրակի դեմ պայքարում ներգրավված է 1400 հրշեջ, բանակը, հրշեջ ինքնաթիռներ և ուղղաթիռներ։ Փրկարար ծառայությունները փորձում են հասնել ամենաշատ տուժած շրջաններ, սակայն նրանց խանգարում են իրենց բնակավայրերը լքողների ավտոշարասյուները:
