17.03.2026 | 18:15
Մկրտիչ եպիսկոպոսի տնային կալանքը վերացվեց // 2 ամսում Ադրբեջանից ՀՀ 4,2 մլն դոլարի ներմուծում է արվել․ ԼՈՒՐԵՐ
Դավիթ Տոնոյանն առաջարկում է հաստիքների ավելացում, Նիկոլ Փաշինյանն՝ օպտիմալացում․ ՏԵՍԱՆՅՈՒԹ
Քաղաքականություն
09.08.2018 | 12:43
Պաշտպանության նախարար Դավիթ Տոնոյանն այսօր գործադիրի հավանությանը ներկայացեց որոշման նախագիծ, որով առաջարկվում է այլընտրանքային ծառայության հարցերով հանրապետական հանձնաժողովի կողմից քաղաքացուն այլընտրանքային աշխատանքային ծառայության ուղարկելու եզրակացության հիման վրա որոշում կայացնելու լիազորություն տալ՝
ՀՀ տարածքային կառավարման և զարգացման նախարարին, ՀՀ աշխատանքի և սոցիալական հարցերի նախարարին, ՀՀ առողջապահության նախարարին։
Ըստ որոշման նախագծի՝ այլընտրանքային ծառայության հարցերով հանրապետական հանձնաժողովի կողմից քաղաքացուն այլընտրանքային աշխատանքային ծառայության ուղարկելու դիմումը մերժելու եզրակացության հիման վրա որոշում կայացնելու լիազորություն ունի ՀՀ արդարադատության նախարարը։
Դավիթ Տոնոյանը նկատեց, որ այս որոշման նախագծի ընդունումից հետո անհրաժեշտ է լինելու որոշ հաստիքների ավելացում։
Ի պատասխան Նիկոլ Փաշինյանը նկատեց․ «Մենք ասում ենք օպտիմալացում, դուք ասում եք՝ հաստիքների ավելացում»։
Վարչապետը նշեց, որ պետական ապարատը ուռճացված է և բյուջետային հատկացումների ժամանակ հանդիպում են շատ լուրջ ծախսերի։
Մանրամասները՝ տեսանյութում։
