14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կառավարությունն «ԱՐՄՕՅԼ» ընկերությանն արտոնություն տալու մասին հարցը հետաձգեց․ գործարանը բնապահպանական դրական եզրակացություն չունի․ ՏԵՍԱՆՅՈՒԹ
Քաղաքականություն
09.08.2018 | 12:18
Կառավարության այսօրվա նիստում ՀՀ տնտեսական զարգացման և ներդրումների նախարար Արծվիկ Մինասյանը գործադիրի հավանությանը ներկայացրեց «Ներդրումային ծրագրի շրջանակներում «ԱՐՄՕՅԼ» փակ բաժնետիրական ընկերության կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի գումարների վճարման ժամկետը երեք տարի ժամկետով հետաձգելու մասին» նախագիծ։
Նախարար Մինասյանը նկատեց․ «Այս գործարանը նավթամթերքի վերամշակման գործարան է, որն արտադրում է բարձրորակ ավտոյուղեր և նաև բիտում։ Այն ներդրումային ծրագիրը, որը ներկայացվել է, բավարարում է ՀՀ-ն և Արցախը միասին վերցրած, նաև արտահանումների ծավալը»։
Վարչապետը նկատեց, որ Բնապահպանական տեսչությունը կասեցրել է այս գործարանի կառուցման աշխատանքները։
Բնապահպանության նախարար Է․ Գրիգորյանն էլ նշեց, որ տեսչական մարմինը ստուգումներ է իրականացրել և կասեցրել է գործարանը օրենքում նշված նավթավերամշակում եզրույթի պատճառով, հետևաբար, օրենքում կա բաց կետ։
«Այս գործարանը չունի նաև բնապահպանական դրական եզրակացություն»,-հավելեց Բնապահպանության նախարար Էրիկ Գրիգորյանը։
Վարչապետն առաջարկեց հարցի քննարկումը հետաձգել մինչև Կառավարության հաջորդ նիստը՝ հաշվի առնելով, որ էկո Հայաստան կոնցեպտը պետք է լրջորեն դրվի իրենց գործողությունների հիմքում։
Մանրամասները՝ տեսանյութում։
