15.09.2026 | 12:34
Նիկոլ Փաշինյանի մի քանի արձան կա, էժան նյութից են պատրաստված, չարժի՞ ոսկե արձան դնել․ Ղազարյանը՝ Մխիթարյանին
ԱՄՆ-ն հարվածներ է հասցրել Իրաքում և Սիրիայում Իրանի հետ կապված թիրախներին
Քաղաքականություն
03.02.2024 | 14:30
ԱՄՆ զինուժը փետրվարի 2-ին ավիահարվածներ է հասցրել Իրաքում և Սիրիայում ավելի քան 85 թիրախների, որոնք կապված են Իրանի հեղափոխության պահապանների կորպուսի և նրան աջակցող զինյալների հետ՝ ի պատասխան անցյալ շաբաթվա վերջին Հորդանանում տեղի ունեցած հարձակման, որի հետևանքով զոհվեցին ԱՄՆ 3 զինծառայողներ:
«Արմենպրես»-ի հաղորդմամբ`այս մասին հայտնում է Reuters-ը:
Նշվում է, որ թեև ԱՄՆ-ի հարվածները չեն թիրախավորել Իրանում գտնվող օբյեկտները, սակայն դրանք ազդարարում են Մերձավոր Արևելքում հակամարտության հետագա սրումը՝ Իսրայելի՝ Գազայում պաղեստինյան ՀԱՄԱՍ-ի զինյալների հետ ավելի քան երեք ամիս տևած պատերազմի պատճառով:
ԱՄՆ զինվորականները հայտարարությամբ ասել են, որ հարվածել են թիրախներին՝ այդ թվում հրամանատարության և կառավարման կենտրոններին, հրթիռներին և անօդաչու թռչող սարքերին, ինչպես նաև լոգիստիկ և զինամթերքի մատակարարման շղթայի օբյեկտներին:
