22.01.2026 | 10:37
Չեմպիոնների լիգա․ «Բարսելոնայի», «Լիվերպուլի» ու «Բավարիայի» հաղթանակները․ ՏԵՍԱՆՅՈՒԹ
«1000 դրամների» մասին օրենքը կտարածվի 183 զոհվածի ընտանիքի և զինհաշմանդամի վրա․ ՏԵՍԱՆՅՈՒԹ
Քաղաքականություն
09.08.2018 | 11:37
Կառավարության այսօրվա նիստում գործադիրը հավանության արժանացրեց օրենքի նախագիծ, որով առաջարկվում է սահմանել ծառայողական պարտականությունները կատարելու ժամանակ կամ զինվորական ծառայության ընթացքում զոհված (մահացած) զինծառայողի ընտանիքին դրամական աջակցություն տալու կարգը և դրամական աջակցության չափերը։
Հարցի զեկուցող Պաշտպանության նախարար Դավիթ Տոնոյանին վարչապետն առաջարկեց հասարակությանն այս որոշման մասին առավել մանրամասն իրազեկել․ «Սա հանրության շրջանում առավել հայտնի է «1000 դրամների» մասին օրենք, և մենք կարող ենք այդ գումարներից օգտվելու հնարավորություն տալ 2015 թվականի հունվարի մեկից հետո տեղի ունեցած դեպքերի վրա»։
Պաշտպանության նախարար Դավիթ Տոնոյանը տեղեկացրեց, որ այսօր նախատեսված է «1000 դրամների» հիմնադրամի հոգաբարձուների խորհրդի նիստ, որի օրակարգում է այդ հարցը։
Նախարարը նաև նշեց, որ այս հիմնադրամի շահառու կարող են դառնալ 183 զոհվածի ընտանիք և զինհաշմանդամ։
Մանրամասները՝ տեսանյութում։
