15.09.2026 | 10:56
Գալուզինը ԵՄ-ի՝ Հայաստանին տրված խոստումները «վերացական» է անվանել
Պաշտոնատար անձանց բարեվարքության ապահովումը և կոռուպցիայի կանխարգելումը Կառավարության գործունեության գերակա ուղղություն են․ Գրիգոր Մինասյան
Քաղաքականություն
02.02.2024 | 20:02
Ազգային ժողովում Արդարադատության նախարար Գրիգոր Մինասյանը հանդիպել է «Քաղաքացիական պայմանագիր» խմբակցության հետ: Այս մասին տեղեկացնում են Էկոնոմիկայի նախարարությունից։
«Հանդիպման ընթացքում քննարկվել են հանրային ծառայողների և հանրային պաշտոն զբաղեցնող անձանց կողմից պաշտոնեական պարտականությունների հետ կապված նվերներ ստանալու վերաբերյալ օրենսդրական կարգավորումները: Քննարկման ընթացքում անդրադարձ է կատարվել գործող կարգավորումներին, պետության սեփականությունը դարձող նվերների տնօրինման վերաբերյալ առաջարկվող կարգավորումներին: Քննարկման մասնակիցները բարձրաձայնել են նվերների ինստիտուտի հետ կապված գործնական և օրենսդրական խնդիրներ:
Պայմանավորվածություն է ձեռք բերվել շարունակել քննարկումները` գործող օրենսդրության կատարելագործման ուղղությամբ:
Արդարադատության նախարարը վերահաստատել է, որ պաշտոնատար անձանց բարեվարքության ապահովումը և կոռուպցիայի կանխարգելումը Կառավարության գործունեության գերակա ուղղություն են, և այս համատեքստում առանձնահատուկ նշանակություն ունի պաշտոնատար անձանց տրվող նվերների վերաբերյալ հստակ, կանխատեսելի և ամբողջական օրենսդրական կարգավորումներ ունենալը»,- ասված է հաղորդագրության մեջ:
