15.09.2026 | 11:52
«Ապրելու երկիր»-ը հայտարարում է՝ կմասնակցի առաջիկա ՏԻՄ ընտրություններին
Ղրղզստանի նախագահը նշել է Բիշքեկի ՋԷԿ-ում պայթյունի հնարավոր պատճառը
Քաղաքականություն
02.02.2024 | 19:48
Ղրղզստանի նախագահ Սադիր Ջապարովը ենթադրություն է հայտնել, որ Բիշքեկի ՋԷԿ-ում տեղի ունեցած պայթյունի պատճառը կարող է լինել ածխի բարձր կալորիականությունը։ Նրա խոսքով՝ ՋԷԿ-ում բարձր կալորիականությամբ ածուխ են այրել, ինչը կարող էր հանգեցնել հրդեհի և պայթյունի։
«Նախկինում Բիշքեկի ՋԷԿ-ը Կարա-Քեչե հանքավայրի ածուխն էր այրում, կալորիականությունը կազմում է 3800 կկալ մեկ կիլոգրամում։ Անցյալ տարի որոշեցինք օգտագործել Շաբիրկուլի ածուխը։ Դրա կալորիականությունը կազմում է 5500 կկալ/կգ։ Ես փորձագետ չեմ, բայց կարծում եմ, որ պայթյունը տեղի է ունեցել ջերմաստիճանի բարձրացման պատճառով, քանի որ աշխատակիցները հաշվի չեն առել, որ դա բարձր կալորիականությամբ ածուխ է, և այրել են Կարա-Կեչին ածխի նման»,- ասել է Ղազախստանի նախագահը Kabar-ին տված հարցազրույցում։
Ղրղզստանի արտակարգ իրավիճակների նախարար Բոոբեկ Աժիկևն իր հերթին հայտնել է, որ Բիշքեկի ՋԷԿ-ում պայթյունը տեղի է ունեցել գազերի կամ ածխի փոշու կուտակման հետևանքով։
«Նախնական ուսումնասիրության համաձայն՝ հանքում կա՛մ գազերի, կա՛մ ածխի փոշու կուտակում է եղել, և այնտեղ պայթյուն է տեղի ունեցել։ Նախնական տեղեկություններով՝ բոլոր կաթսաներն անվնաս են մնացել՝ ապահովիչներն աշխատել են, և դա փրկել է կաթսաները, դրանց վրա ճաքեր կամ արտահոսքեր չկան»,- ասել է պաշտոնյան։
Բիշքեկի միակ ՋԷԿ-ում արտակարգ դեպքը տեղի է ունեցել այսօր՝ փետրվարի 2-ին, տեղական ժամանակով ժամը 3:00-ին։ Արդյունքում տուժել է կայանի հինգ աշխատակից, որոնցից երկուսի վիճակը ծանր է, մեկի վիճակը ծայրահեղ ծանր է։ Վթարի պատճառով քաղաքում դադարեցվել է տաք ջրի և ջեռուցման մատակարարումը։ Արտակարգ դրության պատճառներից է դիտարկվում նաև դիվերսիան։
Բիշքեկի փոխքաղաքապետ Ժիրգալբեկ Շամիրալիևը հայտնել է, որ վթարից տուժել է մոտ 60 հազար բնակարան։ Նրա խոսքով՝ քաղաքապետարանը դիտարկում է բնակիչների համար ջեռուցման կետեր կազմակերպելու հնարավորությունը։
