30.05.2026 | 10:27
ՌԴ-ն Կոպիրկինին կանչել է Մոսկվա՝ ՀՀ–ԵՄ մերձեցման պատճառով
Բայրամովը հայտարարել է, թե «ԵՄ-ի կողմից ՀՀ-ին ռազմական աջակցությունը կխաթարի խաղաղությունը»
Քաղաքականություն
02.02.2024 | 19:14
Եվրամիության կողմից Հայաստանին ռազմական օգնությունը ցանկացած պատրվակով կխաթարի հարավկովկասյան տարածաշրջանում խաղաղությունը։ Այս մասին հայատարարել է Ադրբեջանի ԱԳՆ ղեկավար Ջեյհուն Բայրամովը Չեխիայի խորհրդարանի Պատգամավորների պալատի նախագահ Մարկետա Պեկարովա Ադամովայի հետ հանդիպմանը։
Ադրբեջանական կողմի փոխանցմամբ՝ Բայրամովն ասել է, թե, իբր, «30 տարի անց տարածաշրջանում առաջին անգամ բարենպաստ պայմաններ են ձևավորվել Բաքվի ու Երևանի միջև խաղաղության հասնելու համար»։ Նա ասել է, թե Եվրամիության կողմից Հայաստանին ցանկացած պատրվակով ռազմական օգնություն տրամադրելը, հովանավորչություն ցուցաբերելու ցանկությունը միայն կխաթարի հարավկովկասյան տարածաշրջանում կայուն խաղաղության հաստատման գործընթացը։
Բացի այդ, Ադրբեջանի ԱԳՆ ղեկավարը կրկին դժգոհել է ադրբեջանական պատվիրակությանը 1 տարով հեռացնելու՝ ԵԽԽՎ որոշումից։ Նա ասել է, թե ԵԽԽՎ-ում, իբր, «փոքրամասնության խմբի նախաձեռնությունը՝ ընդունել հակաադրբեջանական որոշում և չվավերացնել ադրբեջանական պատվիրակության լիազորությունները, չի նպաստում երկխոսությանը»։
Ըստ Բայրամովի՝ «Ադրբեջանը ԵՄ-ի վստահելի գործընկերն է, և երկակի ստանդարտների կիրառումն ու Բաքվի նկատմամբ անարդար մոտեցումը չեն նպաստում տարածաշրջանում կայուն խաղաղության հաստատմանը»։
Էմմա Չոբանյան
