13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Վահան Քերոբյանն ու Գագիկ Խաչատրյանի որդին ջերմ զրուցում են
Հասարակություն
02.02.2024 | 15:09
Այսօր Մատենադարանի նոր մասնաշենքում տեղի ունեցավ «Արհեստական բանականությունը բիզնեսի համար» խորագրով համաժողովը։ Միջոցառմանը ներկա էին բարձրաստիճան պաշտոնյաներ և բիզնեսի ոլորտի ներկայացուցիչներ։
Factor TV-ն արձանագրել է, որ Էկոնամիկայի նախարար Վահան Քերոբյանը և մի քանի քրեական գործերով անցնող ՊԵԿ նախկին նախագահ Գագիկ Խաչատրյանի որդին՝ Արտյոմ Խաչատրյանը տևական ժամանակ բավականին ջերմ մթնոլորտում զրուցում են։
Նշենք, որ Խաչատրյաններին պատկանող «Գալաքսի» ընկերությունների խմբի համահիմնադիրներից Արտյոմ Խաչատրյանը մեղադրվում է մի քանի հոդվածներով։
Խաչատրյանները, ըստ ԱԱԾ-ի, պաշտոնեական դիրքի օգտագործմամբ, պետությունից ավելի քան 1,5 միլիարդ դրամի չափով հափշտակություն են իրականացրել՝ ստեղծելով առևտրային կազմակերպություն, որը 2008-2020 թվականների ընթացքում ՊԵԿ-ի հետ կնքել է մատակարաման և ծառայությունների մատուցման բազմաթիվ պայմանագրեր։ Հիշեցնենք, որ Գագիկ Խաչատրյանը Սերժ Սարգսյանի իշխանության տարիներին զբաղեցրել է ՊԵԿ նախագահի պաշտոնը։
Արտյոմ Խաչատրյանն այսօր Factor TV-ի հետ զրույցում պատասխանելով հարցին, թե ինչպես է գնահատում իր և իշխանությունների հետ հարաբերությունները, նշեց․ «Նորմալ»։
Նարեկ Կիրակոսյան
