17.03.2026 | 23:25
ԻՀՊԿ-ն հաստատել է «Բասիջ» ուժերի հրամանատար Ղոլամռեզա Սուլեյմանիի մահը
Ֆրանսիան հաստատել է Ուկրաինայում երկու կամավորների կորուստը
Քաղաքականություն
02.02.2024 | 16:32
Ֆրանսիայի ԱԳ նախարար Ստեֆան Սեժուրնեն հաստատել է, որ Ուկրաինայում երկու ֆրանսիացի է զոհվել, գրում է BBC-ի ռուսական ծառայությունը։
«Երկու ֆրանսիացի կամավորներ իրենց կյանքով վճարեցին ուկրաինացիներին իրենց նվիրվածության համար։ Երեքը վիրավորվել են։ Իմ մտքերը նրանց և նրանց սիրելիների հետ են: Ֆրանսիան նրանց կողմն է։ Ռուսաստանը պետք է պատասխան տա իր հանցագործությունների համար»,- գրել է Սեժուրնեն X-ի իր էջում։
Նախօրեին Խերսոնի շրջանային ռազմական վարչակազմի ղեկավար Ալեքսանդր Պրոկուդինը հայտնել էր Բերիսլավում Ֆրանսիայի երկու քաղաքացիների մահվան մասին, որոնք Ուկրաինայում կամավորական աշխատանքով են զբաղվել։ Ուկրաինայի գլխավոր դատախազության տվյալներով՝ փետրվարի 1-ին ժամը 16:00-ի սահմաններում, ռուսական զորքերն անօդաչու թռչող սարքերի միջոցով զանգվածային հարձակում են իրականացրել Բերիսլավում։
Ռուսական կողմն այս մասով մեկնաբանություններ դեռ չի արել։
Էմմա Չոբանյան
