01.05.2026 | 17:42
«Ֆորա» բանկի մասին ձայնագրության Նարեկը Դո՞ւք եք. Նարեկ Կարապետյանը խուսափեց պատասխանից․ ՏԵՍԱՆՅՈՒԹ
ԱՄՆ պատժամիջոցներ է սահմանել 4 իսրայելցիների դեմ՝ Արևմտյան ափին բռնությունների համար
Քաղաքականություն
02.02.2024 | 18:11
ԱՄՆ Պետքարտուղարությունը հայտարարել է Հորդանան գետի Արևմտյան ափին բռնություն գործադրողների դեմ նոր գործադիր հրամանով պատժամիջոցների առաջին փուլի մասին, գրում է CNN-ը։
Նոր պատժամիջոցները, որոնք արգելափակում են նրանց ֆինանսական ակտիվները և արգելում նրանց մուտքը ԱՄՆ, ուղղված են Իսրայելի չորս քաղաքացիների դեմ։ Պետքարտուղար Էնթոնի Բլինքենը հայտարարության մեջ նշել է, որ «Իսրայելը պետք է ավելին անի Հորդանան գետի Արևմտյան ափում խաղաղ բնակիչների նկատմամբ բռնությունները դադարեցնելու և դրա համար պատասխանատուներին պատասխանատվության ենթարկելու համար»:
Պետքարտուղարությունը հայտնել է, որ հրամանը վերաբերում է չորս անձանց, որոնք մեղադրվում են Հորդանան գետի Արևմտյան ափին ուղղակիորեն բռնություն գործադրելու կամ ահաբեկելու մեջ: Նշված չորս անձինք են՝ Դեյվիդ Չայ Չասդայը, Էյնան Թանջիլը, Շալոմ Զիչերմանը և Յինոն Լևին:
Էմմա Չոբանյան
